Contact Us

SON XƏBƏRLƏR

Əhəd Vəzifə: Urmu gölünün bərpasına ümid azalır

2025.03.14, 15:46
Əhəd Vəzifə: Urmu gölünün bərpasına ümid azalır

Urmu gölü zaman keçdikcə Aral gölünün taleyini yaşayır və hazırkı prosesin davam edəcəyi təqdirdə göl tamamilə quruyaraq yox olacaq.

Gunaz.tv

Bunu İran Meteorologiya Təşkilatının Milli İqlim və Quraqlıq Böhranının İdarə Edilməsi Mərkəzinin rəhbəri Əhəd Vəzifə deyib.

"Zab tunelinin qazılması ilə Zab hövzəsindən gölə müəyyən qədər su gətirilməsinə baxmayaraq, bu gölün bərpası üçün əhəmiyyət daşımır və görünən odur ki, Urmu gölünün vəziyyəti daha da pisləşəcək",- o bildirib.

Qeyd edək ki, son məlumata görə, göldə ekoloji problem davam edir və son mövsimi yağışlara baxmayaraq, hazırda Urmu gölündə olan su həcmi 1 milyard 340 milyon kubmetrdir.

Bununla yanaşı göldə suyun səviyyəsinin 1270,28, gölün sahəsinin isə 1140 kvadrat kilometr olduğu bildirilib.

Qeyd edək ki, Urmu gölünün minimum ekoloji su həcmi 15 milyard kubmetr, maksimum ekoloji su həcmi isə 30 milyard kubmetr, minimum ekoloji sahəsi isə 4635 kvadrat kilometr olmalıdır.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar