Rusiya Ukrayna ilə sazişdən imtina edərsə, Amerika ona sanksiyalar tətbiq edə bilər

SON XƏBƏRLƏR

Rusiya Ukrayna ilə sazişdən imtina edərsə, Amerika ona sanksiyalar tətbiq edə bilər

2025.05.05, 11:24

Amerika Moskva Vaşinqtonun Ukraynada müharibənin başa çatması ilə bağlı təklif etdiyi sazişdən imtina edərsə, Rusiyaya qarşı sanksiyalar tətbiq edə bilər.

Gunaz.tv

Günaz TV "Report"a istinadən xəbər verir ki, bu barədə Amerika lideri Donald Tramp “NBC News” telekanalına müsahibəsində bildirib.

“Bu, Rusiyanın sülhə nail olmağa yönəlmiş davranış nümayiş etdirməsindən asılıdır”, – o, müvafiq suala cavabında söyləyib.

Aprel ayının əvvəlində Amerika Konqresinin hər iki partiyasından olan senatorlar qrupu qanun layihəsi təqdim edib ki, bu da Rusiya Vaşinqtonun Ukraynada müharibənin başa çatması ilə bağlı təklif etdiyi sazişdən imtina edərsə, Rusiyaya və onun ticarət tərəfdaşlarına qarşı birinci və ikinci dərəcəli sanksiyaların tətbiqini nəzərdə tutur.

Təklifdə Rusiya nefti, qazı, uranı və digər malları alan ölkələrdən gələn mallara 500 % idxal rüsumları göstərilib. Qanun layihəsi senatorlar Lindsi Qrem (Cənubi Karolina ştatından respublikaçı) və Riçard Blumental (Konnektikut ştatından demokrat) tərəfindən təqdim edilib.

GUNAZ.TV

SON XƏBƏRLƏR