Contact Us

SON XƏBƏRLƏR

Çin İran metanolundan məhrum qala bilər

2025.05.06, 12:50
Çin İran metanolundan məhrum qala bilər

Vaşinqtonun İran nefti və neft-kimya məhsulları alıcılarına ikinci dərəcəli sanksiyalar barədə xəbərdarlıq etməsindən sonra İranın Çinə metanol (metil spirti-oduncaq spirti) ixracı dayana bilər.

Gunaz.tv

Qlobal yükdaşımaları üzrə araşdırma şirkəti olan "Kpler"in məlumatına görə, 2024-cü ildə İran Çinin metanol idxalının 40%-ni qarşılayıb.

Qlobal bazar kəşfiyyatı şirkəti olan "ICIS"in məlumatına görə, metanol plastik istehsalında istifadə edilir və İran metanolu Çinin plastik istehsal edən zavodları üçün əsas xammaldır.

"İran metanolu Çinin sahil bölgələrindəki zavodlarına kifayət qədər xammal əldə etmək üçün demək olar ki, yeganə səmərəli yoldur." - deyə "ICIS"in baş analitiki Ann Sun bildirib.

Xatırladaq ki, Amerika prezidenti Donald Tramp keçən həftə İran nefti və ya neft-kimya məhsullarını alan ölkələr və firmaların dərhal sanksiyalarla üzləşə biləcəyini söyləyib.

Qeyd edək ki, İran metanolunun bir hissəsi BƏƏ və ya Oman kimi üçüncü ölkələr vasitəsilə Çinə çatsa da, əlavə sanksiyalar bu marşruta təsir edə bilər.

 

- Cəfər Cəfərli

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar