İsrail İrana yenidən hücum edə bilər

SON XƏBƏRLƏR

İsrail İrana yenidən hücum edə bilər - Media

2025.07.08, 09:49

İsrail İranın nüvə proqramını yenidən bərpa etməyə çalışacağı təqdirdə yeni hərbi tədbirlərə hazırlaşır. Bu, İsrailli rəsmilərin Amerika prezidenti Donald Trampın yeni hücumlara “yaşıl işıq” yandıra biləcəyinə inandıqları bir şəraitdə baş verir.

Gunaz.tv

Bunu "Axios" nəşri iki məlumatlı mənbəyə istinadən yazıb.

Məlumata görə, İranın nüvə böhranı, iyulun 7-də İsrail baş naziri Benyamin Netanyahu ilə Amerika Prezidenti Donald Tramp arasında Ağ Evdə keçiriləcək görüşdə əsas müzakirə mövzularından biridir.

İsrailli rəsmilərinin fikrincə, Netanyahu Tramp ilə İranla nüvə danışıqlarının gələcəyi və yeni hərbi hücumları əsaslandıra biləcək ssenarilər barədə anlaşmaya gəlmək istəyir.

Belə ki, İsrailin strateji planlaşdırma naziri Ron Dermer bu yaxınlarda Vaşinqtona səfərindən sonra qapalı görüşlərdə Ağ Ev rəhbərinin müəyyən şərtlər çərçivəsində İrana zərbələr endirilməsini dəstəkləyəcəyi fikrini irəli sürüb.

"Axios" bu şərtlərə misal olaraq Tehranın Fordo, Nətənz və İsfahandakı hücuma məruz qalmış nüvə obyektlərindən yüksək zənginləşdirilmiş uranı çıxarmaq cəhdini göstərib.

Digər bir səbəb isə uranın zənginləşdirilməsi obyektlərində işlərin bərpası olub.

Dermer ötən həftə Amerika vitse-prezidenti Vens, xarici işlər naziri Marko Rubio və Ağ Evin xüsusi nümayəndəsi Stiv Vitkaf ilə görüşüb, ancaq bu görüşlər barədə şərh verməkdən imtina edib.

GünazTV

GUNAZ.TV

SON XƏBƏRLƏR