Contact Us

SON XƏBƏRLƏR

Almaniyanın ABŞ-ın İrana hücumlarına rəsmi dəstəyi

2026.03.03, 23:48
Almaniyanın ABŞ-ın İrana hücumlarına rəsmi dəstəyi

Gunaz.tv

ABŞ Prezidenti Donald Trump ilə Almaniya kansleri Friedrich Merz arasında bu gün Ağ evdə keçirilən görüş İranla bağlı sərt və açıq mesajlarla yadda qalıb. Görüş zamanı Berlin Vaşinqtonun və İsrailin İrana qarşı həyata keçirdiyi hərbi əməliyyatlara siyasi dəstəyini açıq şəkildə ifadə edib.

Beynəlxalq media orqanlarının yaydığı məlumatlara görə, Oval kabinetdə jurnalistlərin iştirakı ilə baş tutan görüşdə əsas müzakirə mövzularından biri İran və son hücumların nəticələri olub.

Friedrich Merz çıxışında bildirib: “Tehrandakı bu dəhşətli rejimin aradan getməsi məsələsində biz eyni mövqedəyik və növbəti mərhələni müzakirə edəcəyik.” Kansler həmçinin ABŞ və İsrail ordusunun “prosesi sona çatdırmaq və həqiqətən yeni hökumətin formalaşmasına nail olmaq üçün düzgün addımlar atacağına” ümid etdiyini vurğulayıb.

Donald Trump isə İranın hərbi imkanlarının ciddi zərbə aldığını iddia edərək deyib: “Onların donanması yoxdur, hava qüvvələri yoxdur, hava identifikasiya sistemi yoxdur, radarları sıradan çıxarılıb. Demək olar ki, hər şey sıradan çıxıb.” O, ABŞ-ın İranın bir sıra hərbi sistemlərini tamamilə zərərsizləşdirdiyini qeyd edib.

ABŞ prezidenti Almaniyanın roluna toxunaraq Berlinin logistika sahəsində dəstək verdiyini bildirib və bunu yüksək qiymətləndirib. Onun sözlərinə görə, Almaniya müəyyən ərazilərdən və imkanlardan istifadə üçün şərait yaradıb, lakin Vaşinqton Berlindən birbaşa hərbi kontingent tələb etməyib.

Görüş zamanı İranın gələcək siyasi taleyi də müzakirə olunub. Trump qeyd edib ki, ABŞ İran xalqının maraqlarını təmsil edən bir rəhbərliyin formalaşmasını arzulayır və “ölkənin xalqa qaytarılmasını” istəyir. O, həmçinin həmin gün İran rəhbərliyinə qarşı daha bir zərbənin endirildiyini bildirib.

Merz isə əməliyyatlardan sonrakı mərhələnin vacibliyini vurğulayaraq, İranla bağlı bütün inkişafların və mümkün ssenarilərin ABŞ tərəfi ilə müzakirə ediləcəyini açıqlayıb.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar