Ağ Ev Xameneinin də yer aldığı siyahını paylaşdı

SON XƏBƏRLƏR

Ağ Ev Xameneinin də yer aldığı siyahını paylaşdı

2026.05.21, 20:31

Ağ Evin rəsmi hesabı Əli Xameneini Tramp tərəfindən “zərərsizləşdirilən düşmənlər” arasında göstərdi.

Gunaz.tv

Gunaz TV-nin məlumatına görə, Ağ Evin X sosial şəbəkəsindəki rəsmi hesabı ABŞ Prezidenti Donald Trampın şəkli ilə paylaşım edib. Paylaşımda Trampın altında “Prezident Donald J. Tramp tərəfindən zərərsizləşdirilən Amerikanın düşmənləri” ifadəsi ilə bir neçə şəxsin görüntüsü yer alıb.

Paylaşımda İran İslam Respublikasının öldürülmüş lideri Əli Xamenei, Venesuela lideri Nikolas Maduro, Kubanın keçmiş rəhbəri Raul Kastro və İŞİD liderlərindən Əbu Bilal əl-Munəvkinin adı yer alıb. İŞİD liderinin şəkli əvəzinə terror təşkilatının bayrağı göstərilib.

Ağ Ev paylaşımda Raul Kastro barədə “ittiham irəli sürülüb”, Nikolas Maduro barədə “həbs edilib” qeydi yerləşdirib. Əli Xamenei və Əbu Bilal əl-Munəvki ilə bağlı isə “öldürüldü” ifadəsi istifadə olunub.

Ağ Evin rəsmi hesabı paylaşımda əlavə olaraq “Ədalət yerini tapacaq” mesajını da yayıb.

Əli Xamenei ABŞ və İsrailin İrana qarşı birgə hərbi əməliyyatının ilk saatlarında öldürülüb. Onun ölümü İranda hökumət əleyhinə etirazların qanlı şəkildə yatırılmasından sonra baş verib.

Donald Tramp daha əvvəl də İran rejimi rəhbərlərini İrandakı zorakılıqlara görə “vəhşi” və “dəli” adlandırmışdı. ABŞ dövlət katibi Marko Rubio da İran rejimini “insanları hamının gözü qarşısında kranlardan asan vəhşi rejim” kimi xarakterizə etmişdi.

GünAzTV
R.G

GUNAZ.TV

SON XƏBƏRLƏR