İran Milli Məclisinin deputatı: “Hətta ölkə məmurları içərisində də siyasi savadı az olanlar var”

SON XƏBƏRLƏR

İran Milli Məclisinin deputatı: “Hətta ölkə məmurları içərisində də siyasi savadı az olanlar var”

2021.10.20, 07:36

Gunaz.tv

GünAz TV: İran Milli Məclisinin deputatı Təyabə Siyavuşi digər deputat Cavad Qudusini kəskin tənqid edib və onun hüquq qarşısında cavab verməsini istəyib.

Bir neçə gün öncə İran Milli Məclisinin deputatı Cavad Qudusi birdirmişdi ki, “millət vəkillərinin 50%-i ölkənin islami sisteminin çökməsini istəyirlər”. Bu sözlər isə bəzi ölkə rəsmilərinin kəskin etirazına səbəb olmuşdu.

Cavad Qudusinin sözlərini “şokedici” adlandıran xanım Siyavuşi İran məhkəmə orqanlarından Cavad Zərifdən dediyi sözlərə görə sübut tələb etdikləri kimi bu deputatdan da dəlillər tələb etməsini istəyib. Eləcə də bu kimi sözlər işlədən rəsmilərə qarşı “cinayət işi açılmalıdır”- deyə o, vurğulayıb.

Qeyd edək ki, İran Xarici İşlər naziri Məhəmməd Cavad Zərifin bir müddət əvvəl ölkədə bir çox rəsmilərin çirkli pulların yuyulması ilə bağlı dediyi sözlər böyük qalmaqal yaratmışdı.

Təyabə Siyavuşi bildirib ki, digər deputatları bu formada “təhqir edən” və onlara “şər atan” deputatlar bilməlidilər ki, bu addımlarla “xalqın etimadını zəiflədirlər”. Eləcə də xalqın etimadını zərbə vuran bu cür addımlar “sistemə qarşı xəyanətdir”- deyə o, əlavə edib.

O, sonda yalnız cəmiyyətdə deyil, eləcə də siyasi elita içərisində siyasi savadı az olan rəsmilərin mövcud olduğunu deyib.

Ə.A

GUNAZ.TV

SON XƏBƏRLƏR