Vaşinqton Suriya üsyançılarını təslim olmamağa çağırıb

SON XƏBƏRLƏR

Vaşinqton Suriya üsyançılarını təslim olmamağa çağırıb

2021.10.20, 07:36

Gunaz.tv

GünAz TV: Ərəb Dövlətləri Birliyi (ərəb ittihadiyyəsi) isə Bəşər Əsədi verdiyi vədi yerinə yetirməməkdə ittiham edib.

ABŞ (Amerika Birləşmiş Ştatları) Suriyada Bəşər Əsəd rejiminə qarşı döyüşənlərə müraciət edərək, onları təslim olmamağa çağırıb. Dövlət Departamentinin (xarici işlər nazirliyi) sözçüsü Viktoriya Nuland Əsəd əleyhdarlarına tövsiyə edib ki, rejimin silahı yerə qoyanların əfv olunacağı vədinə inanmasınlar.

Xatırladaq ki, iki gün öncə Suriya Daxili İşlər Nazirliyi adından silah daşıyan, satan və paylayan, ancaq cinayət törətməyən vətəndaşların bir həftə ərzində təslim olacaqları təqdirdə əfv ediləcəkləri bildirilmişdi.

ABŞ rəsmisi isə Əsəd rejiminə qarşı çıxan suriyalıların bu vədə aldanaraq həyatlarını təhlükəyə ata biləcəklərindən narahat olduqlarını deyib. Əsəd əleyhdarlarına səslənərək “heç kimə, rejim səlahiyyətlilərinə təslim olmayın” deyən ABŞ rəsmisi xatırladıb ki, Suriyada üsyan baş qaldırandan bəri Bəşər Əsəd artıq 4 dəfə əfv vəd edib, lakin heç birində sözünün üstündə durmayıb.

ABŞ rəsmisinin çağırışı rəsmi Dəməşqi özündən çıxarıb. Suriya rəhbərliyi Vaşinqtonu onların daxili işlərinə qarışmaqda, "üsyanı təşviq etmək və terroru dəstəkləməkdə” ittiham edib.

Suriyada Əsəd rejiminə qarşı etirazlar isə davam edir. Ötən gün rejimin təhlükəsizlik qüvvələri Əsəd əleyhinə nümayişə çıxanlara yenə silah işlədib. Məlumatlara görə, ən az 23 etirazçı öldürülüb.

Bu arada Ərəb Dövlətləri Birliyi (ərəb ittihadiyyəsi) Bəşər Əsəd rejimini etirazçılara qarşı silah işlətməyə son qoyacağı haqda vədini yerinə yetirmədiyi üçün qınayıb. Əsəd rejiminin bu cür davranışına görə Ərəb ölkələri xarici işlər nazirlərinin noyabrın (November) 12-də toplanaraq Suriyadakı vəziyyəti müzakirə edəcəyi elan olunub.

GUNAZ.TV

SON XƏBƏRLƏR