GünAz TV: Bu gün Müsavat Partiyasının Mərkəzi Qərargahında Bütöv Azərbaycan Birliyinin təşkilatçılığı ilə “İrandakı son durum və insan haqlarının vəziyyəti” mövzusunda konfrans keçirildi.

Avrasiya İnsan Haqları Federasiyasının genel başqanı Abdullah Uksuzun sədrliyi ilə keçirilən konfransada Müsavat başqanı İsa Qəmbər, AXP lideri Pənah Hüseyn, İctimai Palatanın Koordinasiya (əlaqələndirmə) Şurasının üzvü Aqil Səmədbəyli, politoloqlar (siyasi şərhçilər), gənclər təşkilatlarının fəalları və media nümayəndələri iştirak edirdilər. təşkilatlarının fəalları və media nümayəndələri iştirak edirdilər.

Məruzçi Avrasiya İnsan Haqları Federasiyasının genel başqanı Abdullah Uksuz musavat.com-a açıqlamasında belə bir tədbirin Azərbaycanda keçirilməsinin vacibliyindən danışdı: “Regionda (bölgədə) baş verən hadisələri dəyərləndirib birgə müzakirə aparmaq üçün buraya toplaşmışıq. Qeyd etmək istəyirəm ki, bu bölgədə demokratiya böyüməli, insan haqları, özgürlüklər genişləndirilməlidir. İranda insan haqlarının vəziyəti hamı kimi məni də narahat edir. Orada insanlar öz dillərində təhsil almaq hüququndan istifadə etmək üçün küçələrdə toplaşır. Lakin, İranın  dövlət siyasətinin nəticəsidir ki, keçirilən aksiyalarda (yürüş) insanlara divan tutulur. Bir şeyi diqqətinizə çatdırım ki, İranda yüzlərlə erməni dilində təhsil verən məktəb var. Amma, bir türk məktəbinə rast gəlmək olmur. Əgər bir nəfər terror eləyirsə onu cəzalandırmaq lazımdır. Lakin bir nəfər öz fikrini, öz kimliyini tələb edirsə və bu məslə ilə bağlı fəaliyət göstərirsə İran höküməti bunu fərqli dəyərləndirməlidir”.

“Bütöv Azərbaycan Birliyinin strateji hədəfi Azərbaycanın Güneyli, Quzeyli birləşməsindən ibarətdir və bu bizim ən təbii haqqımızdır. Bu həm də beynəlxalq hüququn tanıdığı haqqdır. Dünyada yeganə ölkə İrandır ki, orada Azərbaycan türkləri çoxluq təşkil edir. Sayca hakim olsaq da, eyni zamanda məhkumuq. Abdullah bəyi konfransa dəvət etməkdə məqsədimiz onun insan haqları mövzusunda çox dərin biliyə sahib olmasıdır. Çox sağ olsun Abdullah bəy bu gün dünyada insan haqlarının vəziyyəti və İranda baş verən hadisələrlə bağlı məruzə ilə çıxış etdi. Müsavat başqanı, hörmətli İsa Qəmbər çox gözəl bir təklif verdi ki, həm Güney Azərbaycandan, həm Quzey Azərbaycandan və Türkiyədən insan haqlarını müdafiə edən insanları Bakıya  dəvət edib beynəlxaq bir konfrans keçirmək daha yaxşı olar. İnşallah gələcəkdə biz belə bir tədbirin Azərbaycanda keçirilməsinə nail olacağıq”. Bunu isə musavat.com-a açıqlamasında İctimai Palatanın Koordinasiya Şurasının üzvü  Aqil Səmədbəyli söylədi.

Daha sonra konfrans iştirakçıları insan haqları ilə bağlı Avrasiya İnsan Haqları Federasiyasının genel başqanı Abdullah Uksuza sullarını ünvanladılar.