Contact Us

SON XƏBƏRLƏR

“Hizbullah” Azərbaycanın Təbrizdəki konsulluğunu yenidən hədələyib

2021.10.20, 07:36
“Hizbullah” Azərbaycanın Təbrizdəki konsulluğunu yenidən hədələyib

Gunaz.tv

GünAz TV: Azərbaycanın Təbrizdəki baş konsulluğu qarşısında “Ənsarı Hizbullah” təşkilatının aksiya (göstəri) keçirəcəyi barədə Azərbaycan mətbuatında yayılan məlumatlar təşkilatın Şərqi Azərbaycan şöbəsinin saytında təkzib edilib.

Təkzib Təbriz “Ənsari Hizbullah”ının mühüm açıqlaması olaraq saytda birinci xəbər kimi yayımlanıb. Xəbərdə deyilir: “Möhtərəm Hizbullahi bacı və qardaşlarımıza çatdırırıq ki, aban ayının 13-ü (noyabrın 4-ü) Azərbaycanın baş konsulluğunun önündə nümayiş keçiriləcəyi barədə şayiələr yayılıb. Bizim təşkilat belə bir aksiya keçirməyəcək və ”Hizbullah" bu barədə yayılan şayiəni təkzib edir".

Qeyd edək ki, noyabrın (abanın 13-ü) 4-ü İranda ABŞ (Amerika Birləşmiş Ştatları) səfirliyinə edilən hücumun ildönümüdür və həmin gün İranda tələbə günü kimi qeyd edilir.

Bu arada deyək ki, “Ənsarı Hizbullah”ın Şərqi Azərbaycan şöbəsinin rəhbəri Ruhulla Becaninin “Səhər” televiziyasında və internetdə Azərbaycan əleyhinə çıxışları təşkilatın saytında qalır. O, çıxışlarında Azərbaycan rəhbərlərinə qarşı təhqiramiz ifadələr işlədib xalqı din adına üsyana çağırır, İslam Partiyasının sədri Möhsün Səmədov və partiyanın digər bəzi üzvlərinin həbsini pisləyir. R.Becani həmin sayta yerləşdirilmiş və “Səhər” televiziyasında dediyi sözləri təkrar edərək Azərbaycanda Dini Qurumlarla İş üzrə Dövlət Komitəsinin, Azərbaycan rəhbərliyi tərəfindən ABŞ və İsrailin tələbi üzərinə İslama qarşı mübarizə apardığını irəli sürüb. Azərbaycanın dünyadakı ikinci şiə dövləti olduğunu deyən Becani iddia edir ki, Azərbaycandakı üsul-idarə İslamı ölkədən söküb atmaq məqsədi ilə yaranıb.

“Ənsarı Hizbullah”ın Şərqi Azərbaycan şöbəsinin rəhbəri Azərbaycanın konsulluğunu casusxana adlandırıb və İran hökumətinin ötən il onların bura hücum etmə planlarının (tərh) qarşısını aldığını deyib. O söyləyib ki, təşkilat bu il də konsulluq qarşısında aksiyalar keçirəcək.

SEÇİLMİŞ XƏBƏRLƏR

Çox oxunanlar