GünAz TV: İsrail Tehranın nüvə ambisiyalarını (cahtələbi) cilovlamaq üçün hərbi zərbələrə hazırlaşdığını gizlədir, ABŞ-ın (Amerika Birləşmiş Ştatları) niyyəti qətidir, Britaniya da bu müharibəyə qoşulacaq.

İranın tezliklə nüvə silahı əldə edəcəyinə dair narahatlıqların artmasından sonra ABŞ və İsrailin hərbi əməliyyatlara əl atması məsələsi yenidən aktuallaşıb (fəallaşıb). Xəbər verildiyi kimi, əvvəlcə İsrailin İranın nüvə obyektlərini (təsisat) vurmağa hazırlaşdığı barədə məlumatlar yayılıb. Bildirilirdi ki, ABŞ İsrailin İrana qarşı hərbi əməliyyatlara başlamasından narahat olaraq Tehranın nüvə ambisiyalarını sanksiyalarla (təhim, yaptırım) cilovlamağa çalışır. Bu məqsədlə Vaşinqton BMT (Birləşmiş Millətlər Təşkilatı) Təhlükəsizlik Şurasına təzyiq edərək İrana qarşı sərt qətnamə çıxarılmasına nail olmaq istəyir.

Eyni zamanda ABŞ özü də İrana qarşı hərbi əməliyyatlar variantını (seçənək) istisna etmir. Britaniyanın “The Guardian” qəzeti isə xəbər verir ki, bu ölkənin Müdafiə Nazirliyində İrana qarşı mümkün hərbi əməliyyatlara qoşulmaq üçün plan (tərh) hazırlanır. Xəbərə görə, əgər ABŞ İrana zərbə endirməyə qərar versə Britaniya da bu müharibəyə qoşulacaq. Bu barədə qəzetə Britaniya hökumətindəki mənbə bildirib.

Xəbərə görə, Britaniya hökumətində istisna etmirlər ki, İranın nüvə ambisiyaları bu ölkəyə qarşı hərbi əməliyyatlara gətirib çıxaracaq. Belə ki, ABŞ-ın İranın nüvə obyektlərini sıradan çıxarmaq üçün vaxtı azalır. Bir müddət sonra İranın nüvə obyektlərini raket zərbələri ilə sıradan çıxarmaq mümkün olmayacaq. Kəşfiyyat məlumatlarına əsasən, İran zənginləşdirilmiş uran əldə etmək üçün qurğuları yeraltı bunkerlərdə (pənahqah) yerləşdirməyə başlayıb. İran israr edir ki, onun nüvə fəaliyyətləri dinc xarakter (mahiyyət) daşıyır, lakin Beynəlxalq Atom Enerjisi Agentliyinin əldə etdiyi son məlumatlara görə, Tehran artıq iki-dörd nüvə başlığı əldə etməyə imkan verən qədər zənginləşdiirlmiş urana malikdir. Tezliklə İranın bu başlıqları hədəfə çatdırmaq üçün ballistik raketlər də əldə edəcəyi deyilir. “Ona görə də Britaniya önləyici plana (tərh) malik olmalıdır. ABŞ İrana qarşı əməliyyatları müstəqil şəkildə həyata keçirə bilər, ancaq siyasi nöqteyi-nəzərdən biz də preventiv (önləyici, pişgiri) əməliyyatlar üçün öz köməyimizi təklif etməliyik” deyə, hökumətdəki mənbə bildirib. Mənbənin dediyinə görə, Britaniya öz hərbi gəmilərini və sualtı qayıqlarını kömək üçün göndərə, habelə Hind okeanındakı (iqyanus) Dieqo-Qarsiya hərbi bazasını (payqah) amerikalıların ixtiyarına verə bilər. Əgər tələb olunsa britaniyalı xüsusi təyinatlılar da İran ərazisinə quru müdaxiləsində yer almağa hazırdır.

Bununla belə, Britaniya hökumətində hesab edirlər ki, prezident Barak Obamanın gələn ilin noyabrındakı (November) seçkilərə qədər İrana qarşı hərbi zərbələr barədə qərar verməsi ehtimalı azdır. İsrailin də İrana qarşı hava əməliyyatları ilə bağlı hazırlıqlar gördüyü deyilir. Xəbərlərə görə, baş nazir Benyamin Netanyahu və müdafiə naziri Ehud Barak xarici işlər naziri Aviqdor Libermanı da İrana qarşı hərbi zərbələrə razı sala biliblər. Lakin İsrail hökumətindəki mənbə deyir ki, hələlik kabinetdə İrana qarşı müdaxilənin əleyhinə olanların mövqeləri güclüdür. Hələlik isə ABŞ İrana qarşı yeni sanksiyalar tətbiq edir.

Amerika Birləşmiş Ştatlar Konqresi keçən ay İranın Vaşinqtonda Səudiyyə Ərəbistanı səfirinə qarşı sui-qəsd cəhdinə dair iddialarla əlaqədar Tehrana qarşı sanksiyaları sərtləşdirir. Konqresin Nümayəndələr Palatasında (məclis) ABŞ-ın İrana qarşı maliyyə, neft və nüvə sənayesi sahələrinə təsir göstərəcək sanksiyaların ciddiləşdirilməsi ilə bağlı qanun layihəsi təsdiq edilib. Qanun layihəsində İranın neft və qaz sənayeləri ilə əlaqədar olan hər hansı bir şəxsə ABŞ-a daxil olmaq üçün viza verilməməsi nəzərdə tutulur. Sənəddə İranın mərkəzi bankının qlobal (kürəsəl) maliyyə bazarları ilə əlaqələrin kəsilməsinin nəzərdə tutulduğu barədə maddə var. Qanun layihəsində habelə İranın təhlükəsizlik qüvvələrinin təcrid edilməsi nəzərdə tutulur. İran Səudiyyə Ərəbistanı səfirinə qarşı sui-qəsdlə əlaqədar iddiaları rədd edir. İranın müdafiə naziri isə İsraili xəbərdar edib. Nazir Əhməd Vahidi deyib ki, İsrail İrana hərbi həmlə etsə, peşman olacaq və ciddi cəzalandırılacaq. İsrail xarici işlər naziri A.Liberman isə İrana qarşı müharibə hazırlıqları barədə son günlər yayılan xəbərləri “boş söhbətlər” adlandırıb. O deyib ki, bu cür dedi-qodular ziyanlıdır.  Yeni müsavat