Hillari Klinton İran xalqını üsyana çağırdı

SON XƏBƏRLƏR

Hillari Klinton İran xalqını üsyana çağırdı

2021.10.20, 07:36

Gunaz.tv

GünAz TV: ABŞ (Amerika Birləşmiş Ştatları) dövlət katibi Hillari Klinton İran əhalisini üsyana çağırıb.

Teleqraf.az lenta.ru-ya istinadən xəbər verir ki, dövlət katibi bu günlərdə "BBC news"un fars xidmətinə və "Amerikanın səsi"nə verdiyi müsahibədə İran müxalifətini beynəlxalq dəstəyi qazanmaq üçün daha aktiv olmağa çağırıb.

O deyib ki, iranlılar liviyalı (Libi) üsyançılardan nümunə götürməlidir. Klinton iranlılara xitabən bəyan edib ki, anlaşmazlıqlara baxmayaraq, ABŞ İran xalqının dostu olaraq qalır: "Birbaşa İran xalqına, xüsusən cavanlara müraciət edib demək istərdim ki, ABŞ-ın sizinlə heç bir prinsipial (əsasi, əsli) fikir ayrılığı yoxdur. Biz sizin məqsədlərinizi anlayır və dəstəkləyirik"

İran Amerika Birləşmiş Ştatlarından rəsmi şəkildə üzr istəməyi tələb edib. Söhbət ABŞ-dakı Səudiyyə Ərəbistanı səfirinə qarşı İranın sui-qəsd planı (tərhi) hazırlamasına dair Vaşinqtonun iddialarından gedir. "Associated Press" agentliyi ABŞ-dakı diplomatik mənbələrə istinadən xəbər verir ki, ABŞ-ın İrandan rəsmi şəkildə üzr istəməsi tələbi ilə nota Tehrandakı İsveçrə səfirliyinin vasitəçiliyi ilə Vaşinqtona təqdim edilib. İran rəhbərliyi "beynəlxalq hüquq və normaları pozan" yalan iddialara görə ABŞ-ın İran dövlətindən və İran xalqından rəsmi şəkildə üzr istəməsini tələb edir. Tehran, həmçinin, Vaşinqtondan "bu əsassız iddialara görə maddi və mənəvi təzminat ödəməyi" tələb edir. Bakı-xəbər

GUNAZ.TV

SON XƏBƏRLƏR