Səudiyyə Ərəbistanında qadınlarına səsvermə hüququ verilir

SON XƏBƏRLƏR

Səudiyyə Ərəbistanında qadınlarına səsvermə hüququ verilir

2021.10.20, 07:36

Gunaz.tv

GünAz TV: Səudiyyə Ərəbistanı kralı (padşahı) Abdulla qadınlara seçkilərdə səsvermə hüququna malik olacaqlarını vəd edib.

Ölkədə ilk dəfə qadınların bələdiyyə seçkilərində səs vermək və namizədliyini irəli sürmək hüquqları olacaq.

Krallıqda qadın haqlarının təminatına çağıran fəallar bu qərarı alqışlayıblar.

Səudiyyə Ərəbistanında qadınlar sərt diskriminasiyaya (ayri-seçkilik, təbyiz) məruz qalırlar. Onların maşın sürmək hüququ da yoxdur.

Kral Abdulla bu qərarın ali ruhanilərlə məsləhətləşmələrdən sonra verildiyini deyib.

Ancaq qadınlar gələn cümə axşamı Səudiyyə Ərəbistanında keçiriləcək bələdiyyə seçkilərində iştirak edə bilməyəcəklər, çünki qərar həmin seçkilərdən sonrs qüvvəyə minəcək.

Krallığın tarixində cəmi ikinci dəfə keçirilən bu ilki bələdiyyə seçkilərində 5 min kişi iştirak edəcək.

Onlar yerli şuralarda yerlərin yarısını tutacaqlar, qalan yarısı isə hökumət tərəfindən təyin ediləcək.

Bələdiyyə seçkiləri Səudiyyə Ərəbistanında yeganə ictimai səsvermədir.

GUNAZ.TV

SON XƏBƏRLƏR