GünAz TV: Güney Azərbaycan Milli Azadlıq Cəbhəsinin (GAMAC) nümayəndə heyəti, BMT-nin (Birləşmiş Millətlər Təşkilatının) İranda insan haqları üzrə xüsusi nümayəndəsi Əhməd Şəhidlə görüşü olub.

Keçən günlərdə baş tutan Görüşdə, Cənab Şəhidə Urmu Gölü məsələsi və ümumiyyətlə Azərbaycanın Milli Hərəkatı və ona qarşı olan təzyiqlər barədə geniş məlumat verilib.

Güney Azərbaycan Milli Azadlıq Cəbhəsinin (GAMAC) nümayəndə heyətinin məsulu Dr. Maşallah Rəzmi, GünAz TV-də Əhməd Bəy obalı ilə söhbətində görüşün təfərrüatını belə açıqlayıb:

“Сənab Əhməd Şəhid bizi çox səmimi olaraq qəbul etdi və 1.5 saat birlikdə söhbət apardıq. əsas söhbət millətimizin hərəkəti və Urmu Gölü ilə bağlı idi.

O, sual verdi ki, əcaba bu gölün quruması tabii səbəblərə görədir yoxsa qərəzli siyasətin nəticəsidir?!

Mən bu sualı belə cavablandırdım: bizim millət bunu qərəzli siyasət kimi qəbul edir. Bu ona görə qərəzli ola bilərki, burda güclü bir milli hərəkat var və mərkəzi hakimiyyət istəyir ki burda göl qurumaqla, ətraf bölgələrdə yaşayan təxminən 14 milyon əhali İranın başqa məntəqələrinə köçsün və bununlada hakimiyyətə müxalif olan milli hərəkatın mərkəzi aradan qaldırılsın.

Men İran və Güney Azərbaycandakı hadisələri Suriya ile müqayisə edib ve qeyd etdim ki, Suriyada Dəməşqdə sakitlikdir ama başqa yerlərdə Etiraz Yürüşləri gedir və toqquşmalar olur. Dünya mediasıda bu məsələyə diqqət yetirir və işıqlandırır. Lakin Güneydə gedən hadisələr hələki dünya mediasının gündəminə gəlməyib. Medianın bu məsələ üzərində təmərküz etmemesi sebebinden İran hökuməti bu hərəkatı zorla yatırır və hakimiyyətin zorakılıq səsidə yetəri qədər yayılmır.

Biz cənab Əhməd Şəhidə əldə etdiyimiz 300 nefer tutuqlunun siyahısını da təqdim etdik. Qeyd etdik ki,  onların bir sırası vəsiqə qarşılığında sərbəst buraxılıb, bir sırası isə hələdə həbsdə saxlanılır. Etiraz Yürüşləri zamanı Hakimiyyət tərəfindən tətbiq edilən basqı və zorakılıqlarıda BMT nümayəndəsinin diqqətinə  çatdırdıq.

Həmçinin Urmu Gölü ətrafında hökumət tərəfindən zavod (karxanə) tikilməsi, ətraf-mühitin pozulmas və zavod tullantılarının göle axıdılıb və bununlada gölün məhv edilməsini dönə-dönə cənab Əhməd Şəhidə çatdırdıq.

Məhbusların məsələsidə xüsusi söz qonusu oldu. Bildirdik ki, Hər kəs Ətraf-mühiti pozan amillər o cümlədən zavodlara qarşı çıxarsa, Hər kəsin ekoloji qayğısı olarsa, ana dili uğrunda fəaliyyət göstərərsə başqa ölkələrdə dövlətlər bunlara dəstək verər. Halbuki iran bu zəmində fealiyyət güstərən azərbaycanlıları tutur ve onları bölücü, pantürkist və ... kimi adlar altında cəzalandırır və həbs edir.

Yəni azerbaycanlıların tənbeh və həbs olduqları səbəblər elə işlərdir ki, o işlərə görə dünyada insanlar təşviq edilir nəinki tənbeh.

Növnəti mövzulardan biri ana dili meselesi idi. Biz qeyd etdik ki, İran BMT, Avropa birliyi və başqa beynəlxalq qurumlar qarşısında üzərinə götürdüyü öhdəliklərə əməl etsin. Aərbaycanlılar en azı İranın 3-də birini təşkil edirlər. Belə bir durumda bizim haqqımız yoxdur öz ana dilimizdə dərs oxuyaq. Bu millətə  qarshı iqtisadi, siyasi ve mədəni təzyiqlər həyata keçirilir. Bu barədə təxminən 100 səhifəlik hazırladığımız sənədi teqdim etdik.

Həmçinin tərəfimizdən daha öncə tutulanlarla bağlıda bir kitabça təqdim olundu. Yəni imza alınıb buraxılanlar və mülki vəsiqə qarşılığında azad edilənlərlə əlaqədar. Onlar da məhbus hesablanırlar. Ona görə ki,  danışmağa və etiraz bildirməyə icazələri yoxdur. Onlardan vəsiqə girov alınıb, ölkədən çıxmaq hüquqları məhdudlaşdırılıb. Yeni  tutulan məhbusların siyahısıda o kitabçaya əlavə olunub.

Tutuqlanan tanınmış yazıçı və şairlərimizin kimliyi və yaxalandıqları barədə məlumatda çatdırıldı. Biz xahiş etdik ki, BMT öz imkanları daxilində azərbaycanlı məhbusların azad edilməsini İran hökumətindən istəsin.

Mən sözlərimin sonunda bildirdim ki, sizin İrana getməyiniz gündəmdə olduğu bir halda, İranda vacib və qaçılmaz olan milli məsələ sizində gündəm və proqramınızda olmalıdır. Siz bu məsələni İran dövlət və hökuməti ilə ortaya qoysanız çox faydalı olar.

Sözlərimin sonunda bunuda əlavə etdim ki, fars insan haqları qurumlari bu günə qədər milli məsələ ile bağlı hətta bir vərəqə belə BMT ve digər beynəlxalq qurumlara təqdim etməyiblər.”

Dr. Maşallah Rəzmi sözlərinin sonunda bildirib ki, bu ayın 19-dan 23-nə qədər Cenevrədə BMT-nin İnsan Haqları Şurasının millətlərin nümayəndələri ilə konfransı olacaq. bu konfransda oxşar mövzular ətrafında yenədə söhbətlər aparılacaq və bizim tərəfimizdən raportlar (quzariş) veriləcək.