GünAz TV: Bəzən İran hakimiyyəti terrorçu və ya quldur dəstəsi kimi davranır. Söhbət Tehranın «casus» adı altında həbs edərək, barələrində məhkəmə qərarı çıxarılmış ABŞ (Amerika Birləşmiş Ştatları) vətəndaşlarından gedir.

Öncədən qeyd edək, bu ittiham altında suçlu bilinənlərə bir qayda olaraq, ölüm hökmü çıxarılırdı.Baş verənlərdən belə çıxır ki,İran İslam Respublikası (Cümhuriyyəti) artıq xarici ölkə vətəndaşlarını «casus» kimi ittiham edib, onları öz ölkələrinə geri sataraq, mövcud iqtisadi –maliyyə sıxıntısından qurtulmaq istəyir.

Ötən ay  İslam Respublikası İnqilab məhkəməsi ABŞ vətəndaşları  - Coşua Fettal və Şon Baver «ölkə sərhədlərini qanunsuz keçdiyi üçün» 3 il, «casusluğa» görə 5 il azadlıqdan məhrum olunublar onların hər birini 8 il azadlıqdan məhrum edib.

Xatırladaq ki, 2009-cu il iyulun 31-də İran-İraq sərhədində üç turist amerikalı tutulmuşdu. 28 yaşlı Şeyn Bauer və Coşua Fettal, 32 yaşlı Sara Şord ABŞ-ın xeyrinə casusluqda şübhəli bilinərək, İranda həbsxanada saxlanılırdı. Saxlanılanlar yaxınları vasitəsi ilə bildirmişdilər ki, onlar dağa səyəhət edərkən, İraqın Şimalındakı dağlarda azıblar.

İranın təhlükəsizlik qurumları 3 amerikalını «ABŞ-ın kəşfiyyat xidmətinə casusluqda» suçlayırdı.

Vaşinqton isə israrla bəyan edirdi ki, ABŞ vətəndaşlarına qarşı bütün ittihamlar əsassızdır.

Tutulanlardan birinin, Sara Şordun anası ötən il İranın ali rəhbəri ayətulla Xamneyiyə müraciət edərək, övladı və onun dostlarının səhvən İran ərazsinə keçdiklərini, onların «İrana zərər vurmaq niyyəti olmadıqlarını» bildirmişdi.

2010-u ilin sentyabrında Tehran hakimiyyəti ABŞ vətəndaşı Sara Şordu 500 min dollar girov qarşılığında sərbəst buraxdı.Məhkəməyə gəlməkdən imtina edən Sara Şord qiyabi mühakimə olunub.

Ötən gün isə Şeyn Bauer və Coşua Fettalın vəkili Məsud Şafei bildirib ki, hər biri 500 min dollar məbləğində girov ödəyəcəyi halda İran hakimiyyəti onları da «azadlığa» buraxmağa hazırdır. Onun sözlərinə görə,  məsələ ilə bağlı ABŞ-ın İranda maraqlarının müdafiə edən İsveçrə səfirliyi məlumatlandırılıb.

BMT-nin (Birləşmiş Millətlər Təşkilatının) illik toplantısı çərçivəsində ABŞ-da olan İran prezeidenti Mahmud Əhmədinejad isə En-bi-si telekanalına müsahibəsində bəyan edib ki, yaxın bir-iki günə amerikalılar-Şeyn Bauer və Coşua Fettal azadığa buraxılacaq.

Halbuki Sara Şord 500 min dollar ödədikdən sonra Tehran prokuroru Abbas Cəfəri-Dövlətabadi məsələ ilə bağlı belə açıqlama vermişdi: «Amekrialı casus 500 min dollarlıq girov qarşılığında sərbəst buraxıla bilər. O biri iki amerikalı isə dəmir barmaqlıqlar arxasında saxlanılacaq».

Ötən il Tehran hakimiyyəti  almaniyalı jurnalistlər Markus Helliviq və Yens Koxu da girov qarşılığında azad etmişdi. Almaniya xarici işlər naziri Gido Vestervelle jurnalist vətəndaşlarını ölkəyə gətirmək üçün Tehranda səfərdə olmuş, iranlı həmkarı Əliəkbər Salehiyə «dövlətlərarası münasibətləri dəstəklədiyinə görə »təşəkkürünü bildirmişdi

Məlumatalara əsasən  onların hər birinə Almaniya dövləti 50 min dollar məbləğində cərimə ödəmişdi..

İslam Respublikasının (Cümhuriyyəti) məhkəməsi bu jurnalistləri 24 aylığına azadlından məhrum etmişdi.

Sentyabrın (September) 10-da isə İsrailin kəşfiyyat orqanlarına «casusluq»da ittiham olunan iki nəfəri məhkəmə prosesi başlayıb. İranın baş prokuroru Abbas Cəfəri-Dövlətabadi bu «casusların» 2009-cu ildə tutulduğunu söyləsə də, onların adlarını açıqlamayıb.

«Onlar sionist rejiminə (İsraili nəzərdə tutur-S.S.) işləməkdə ittiham olunur. Müttəhimlər gizli hərbi obyektlərə (təsisatat, məkanlar) girərək, oranın  fotosunu çəkməkdə günahlandırılırlar.Onlar həm də İsrail kəşfiyyatından qanunsuz pul almaqda itiham olunurlar»-deyə, baş prokuror (dadistan)  söyləyib.

Bu ilin avqustunda isə İslam İnqilabı Hərbi Məhkəməsi iranlı atom-fiziki Məsud Əli –Məhəmmədi qətlə yetirməkdə ittiham olunan Məcid Camali-Faşi barəsində edam hökmü çıxarmışdı. Tehran mənbələrinin məlumatnıa əsasən, o, İsrail «Mossad»ına «casusluq» etdiyini etiraf etmişdi. Məhkəmə zamanı Faşi bildirmişdi:«Əslində o, 5 terror aksiyası həyata keçirməli imiş. Ancaq mən təbiətcə, cinayətkar deyiləm. Mən «Mossad»ın təl-Əivilə Qüds arasında yerləşən bazasında təlim keçmişəm. Fizikin qətli üçün 120 min dollar almışam».

Tehran hakimiyyəti amerikalı «casusların» sərbəst buraxılmasını «humanitar davranışı» (insani davranış) adlandırır. Bu sayaq addımı o, hazırda məhkəməsi gedən, adı açıqlanmayan, İsrailin «xeyrinə casusluq edən» iki nəfər görə nə qədər girovr istəyir. Axı, quldurlar bir qayda olaraq, girov götürdükləri üçün müəyyən məbləcdə pul tələb edir.

Sədrəddin Soltan