SEPAH-ın terrorçu qruplar və narkotacirlərlə əlaqəsi barədə daha bir fakt üzə çıxıb

SON XƏBƏRLƏR

SEPAH-ın terrorçu qruplar və narkotacirlərlə əlaqəsi barədə daha bir fakt üzə çıxıb

2022.05.11, 08:38

Gunaz.tv

Adı çəkilən şəxsin Qərbi Azərbaycanın sərhəd bölgəsinin Haşımabad kəndində yaşayan Hərəki kürd tayfasından olduğu bəlli olub.

Mənsur Rəsuli Haşimabad SEPAH üzvü olmaqla yanaşı silahlı kürd qruplaşmaları ilə də əlaqədə olub.

O, həmçinin SEPAH-ın dəstəyi ilə İrandan Avropaya göndərilən narkotik qaçaqmalçıları şəbəkəsinin əsas adamlarından biri olub.

Onun əmisi Adil Rəsuli İnqilab Keşikçiləri Korpusunun bölgə komandirlərindən olub və 90-cı ilərdə silahlı dəstələrlə qarşıdurmada öldürülüb.

Əmisi oğlu Hacı Səbbah Rəsuli isə hazırda Urmunun İnqilab Keşikçiləri Korpusunun Zeviyyə briqadasının komandiridir.

Qeyd edək ki, bir neçə gün öncə İnternetdə yerləşdirilən videoda İrandan kənarda terror əməliyyat şəbəkəsi yaratmaq üçün göndərilən SEPAH üzvü Mənsur Rəsulinin İsrail kəşfiyyat xidməti (Mossad) tərəfindən tutularaq dindirildiyi bildirilir.

İsrail qəzetləri bir səs yazısı yayaraq bildiriblər ki, ölkənin kəşfiyyat orqanı "Mossad" zabitləri 3 nəfərə sui-qəsddə əli olan SEPAH-ın Qüds qanadının agenti Mənsur Rəsulini İran ərazisində həbs edərək dindiriblər.

Səs yazısında Rəsuli deyir ki, İran hökuməti tərəfindən İsrailin Türkiyədəki səfirliyinin diplomatını, Almaniyada bir Amerika generalını və Fransada bir jurnalisti öldürməklə görəvləndirilib.

Qeyd edək ki, video görüntünün yayılmasından sonra İsrail mediası yeni məlumatlar yayaraq dindirmənin 5 ay öncə İranda həyata keçirildiyini yazıb.

“52 yaşlı Mənsur Rəsuli Rza oğlu, Mossad mənurlarına İrandan qıraqda 3 terror əməliyyatını həyata keçirmək üçün hazırlıq gördüklərini etiraf edib”-deyə, İsrail televiziyası məsələ ilə bağlı yayınladığı son məlumatda bildirib.

Daha öncə bununla bağlı yayılan xüsusi məlumatlara görə, SEPAH-ın Qüds qanadı narkotik qacaqmalçılarından istifadə edərək Türkiyə, Almaniya və Fransada üç terror aktı törətmək niyyətində olub.

Cavidan

GUNAZ.TV

SON XƏBƏRLƏR