Ukraynalı general: "Ərazilərimizin tam azad ediləcəyinə şübhə etmirik"

SON XƏBƏRLƏR

Ukraynalı general: "Ərazilərimizin tam azad ediləcəyinə şübhə etmirik"

2022.08.24, 11:46

Gunaz.tv

Bunu Ukrayna ordusunun general-mayoru Viktor Nazarov bildirib.

"Biz başa düşdük ki, ölkəmizin müstəqilliyini müdafiə edə bilərik. Rusiyanın bizə qarşı başlatdığı müharibə fonunda təkcə Avropa üçün deyil, bütün dünya üçün demokratiyanı, ictimai quruluşu, dəyərləri, insan azadlığını, müstəqilliyi qoruyacağıq.

Müharibənin 6 ayı ərzində başa düşdük ki, nəinki müdafiə oluna, hətta qalib də gələ bilərik", - o, əlavə edib.

General xatırladıb ki, Kiyevin ətrafı, Çerniqov, Sumı, Nikolayev, Odessa düşməndən azad edilib, Xerson uğrunda döyüşlər davam edir:

"Ukraynalılar ağır şərtlər altında ölkənin şərqində müdafiəni təmin edirlər. Ərazilərimizin tam azad ediləcəyinə şübhə etmirik. Bizə silah və maliyyə dəstəyi verən, həmçinin mənəvi dəstək olan bütün tərəfdaşlarımıza minnətdarıq.

Ukraynalılar tam qələbə qazananadək mübarizəni davam etdirəcəklər. İndi bizə nə qədər çətin olsa da, ölkə rəhbərliyindən tutmuş sıravi vətəndaşlaradək hər kəs buna inanır. Şübhə etmirik ki, bütün Ukrayna azad olacaq.

Müstəqillik günümüz mübarək!" (report.az)

Ayxan

Açar Sözlər :

Ukrayna

GUNAZ.TV

SON XƏBƏRLƏR