ABŞ Gürcüstan parlamentinə təqdim edilmiş yeni qanun layihəsini tənqid edib

SON XƏBƏRLƏR

ABŞ Gürcüstan parlamentinə təqdim edilmiş yeni qanun layihəsini tənqid edib

2023.03.03, 09:58

Gunaz.tv

Ned Prays ABŞ-ın qanun layihəsi ilə əlaqədar dərin narahatlıq keçirdiyini ifadə edib:

“Biz təqdim edilmiş “xarici agentlər” haqqında qanundan dərin narahatlıq keçiririk, çünki o, müstəqil səsləri və özünü icması, ölkəsi, xalqı üçün daha yaxşı gələcək inşa etməyə həsr edən Gürcüstan vətəndaşlarını damğalaya və susdura bilər. Biz bu qanunun Gürcüstanda söz azadlığı və demokratiyaya potensial təsirlərindən dərin narahatlıq keçiririk”.

Ned Prays qeyd edib ki, qanun layihəsinin lehinə səs verənlər Gürcüstanın Avro-Atlantik inteqrasiyasını təhlükəyə atacaq:
“Bizim mövqeyimizi sadədir və biz bu mövqeyi həm açıq şəkildə, həm də ikitərəfli qaydada çatdırmışıq. Bu qanun layihəsinə səs verən istənilən şəxs potensial olaraq Gürcüstanın Avro-Atlantik inteqrasiyasını təhlükəyə atacaq”.

Ned Prays əlavə edib ki, bu cür bir qanun layihəsi gürcü xalqının on illər boyunca ifadə etdiyi arzuları ilə, yola çıxdığı gələcəklə uyğun gəlmir. Əlavə edib ki, qanun layihəsi ilə bağlı yalnız ABŞ deyil, digər tərəfdaş ölkələr, Avropa İttifaqı, BMT və Gürcüstanın vətəndaş cəmiyyəti təşkilatları güclü narahatlıqlarını bildiriblər.

Qeyd edək ki, fevralın 14-də Gürcüstan parlamentində qeydiyyatdan keçirilmiş “Xarici təsirlərin şəffaflığı haqqında” qanuna əsasən illik gəlirinin 20 faizdən çoxunu xarici dövlətlərdən, beynəlxalq təşkilatlardan, Gürcüstan vətəndaşı olmayan şəxslərdən əldə edən və dövlət tərəfindən təsis edilməyən media orqanları və QHT-lər hər ilin yanvar ayında “xarici təsir agenti” kimi reyestrdən keçməli olacaqlar.

Reyestrdən keçməyənlər 25 000 lari (9 500 dollar) cərimə ediləcəklər.

GUNAZ.TV

SON XƏBƏRLƏR