Blinken sülh üçün İrəvana təzyiq göstərməlidir

SON XƏBƏRLƏR

Blinken sülh üçün İrəvana təzyiq göstərməlidir – ABŞ institutu

2023.05.02, 11:46

Gunaz.tv

ABŞ-ın Hudson İnstitutunun Yaxın Şərqdə Sülh və Təhlükəsizlik Mərkəzinin direktoru Maykl Doran "The Wall Street Journal" (WSJ) qəzetində dərc olunan məqaləsində belə bir fikir söyləyib.

“Dövlət katibi Entoni Blinken bu həftə Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramovu iki ölkə arasında sülh müqaviləsi bağlamaq üçün son cəhddə qəbul edib.

Bu, Vaşinqtonun vasitəçilik rolunun əhəmiyyətli dərəcədə genişlənməsidir ki, bu da təqdirəlayiqdir. Bundan əvvəl, keçən ilin noyabrında Blinken Bayramov və Mirzoyanı qəbul etsə də, bu dəfə o, qonaqları salamlamaqla yanaşı, həm də onları bir-biri ilə birbaşa ünsiyyət qurmağa təşviq edib”, - məqalədə deyilir.

Müəllif, həmçinin qeyd edib ki, Fransa prezidenti Emmanuel Makron Cənubi Qafqazda "diplomatiyaya böyük diqqət yetirir", onun səyləri birmənalı olaraq Azərbaycana deyil, Ermənistana faydalıdır.

“Ermənistan Qarabağı Azərbaycanın suveren ərazisi kimi tanımayana qədər problem həll olunmayacaq. Amma Ermənistanın baş naziri Nikol Paşinyan belə bir addıma hazır görünmür. İrəvan özünə gəlsə, ABŞ və müttəfiqləri Qarabağda ermənilərin rifahını təmin etmək üçün onunla və Bakı ilə əməkdaşlıq edə bilər.

Təəssüf ki, Blinken üçün senator Bob Menendez və nümayəndə Adam Şiff kimi Amerika erməni icmasının bir çox nüfuzlu dostları İrəvana bu istiqamətdə təzyiq göstərməkdən imtina edirlər”, - nəşrdə vurğulanıb. (modern)

GUNAZ.TV

SON XƏBƏRLƏR