Contact Us

SON XƏBƏRLƏR

İranda hicabsızlara qarşı mübarizə aparan generalın karikaturasını yayan qəzetin məsul şəxsi tutulub

2023.05.03, 12:29
İranda hicabsızlara qarşı mübarizə aparan generalın karikaturasını yayan qəzetin məsul şəxsi tutulub

Gunaz.tv

Bu barədə “RadioFarda” məlumat yayıb.

Bildirilib ki, qəzetin aprelin 30-da çıxan sayında Əhmədrza Radanın ”General təkdir” başlığı altında karikaturası yayılıb.

Möhsün Məhdian məsələ ilə bağlı prokurorluğa çağırıldığını deyib. O, informasiya müharibəsi apardıqlarını qeyd edərək generalı təhqir etmədiyini, əksinə, onun doğrudan da tək və yardıma ehtiyacı olduğuna dair açıqlama yazıb.

Xatırladaq ki, “Həmşəhri” Tehran bələdiyyəsinin orqanıdır. Onun direktoru Əlirza Zakanidir. Generalın karikaturası qəzetin birinci səhifəsində çap olunub. Qəzet həmin yazıda vurğulayıb ki, hicabla niyə yalnız polis məşğul olur, İslam Respublikasının başqa qurumları bu istiqamətdə heç bir addım atmır.

Məlumata görə, Əhmədrza Radan ötən ay polisin məcburi hicabsız qadınları müəyyən etməsi üçün şəhərlərdə müşahidə kameraları və ağıllı sistemlərdən istifadə ediləcəyini bildirmişdi. O qeyd etmişdi ki, xəbərdarlıq aldıqları və bunu təkrarladıqları təqdirdə məcburi hicaba qarşı çıxanlar mühakimə olunacaq, məhkəmə ilə üzləşəcəklər.

Bununla belə, iranlı qadınlar və qızlar məcburi hicabsız ictimai yerlərdə görünərək sanki Ə.Radanın təhdidlərinə meydan oxuyurlar. (report)

Ayxan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar