Ermənistan Araz çayını çirkləndirir- Ərdəbildə xərçəng xəstəliyi yayılıb

SON XƏBƏRLƏR

Ermənistan Araz çayını çirkləndirir- Ərdəbildə xərçəng xəstəliyi yayılıb

2023.05.04, 12:36

Gunaz.tv

Bu barədə məlumat və video görüntülər yayan güneyli media fəalları və ekofəallar bölgədə, xüsusilə Ərdəbildə xərçəng xəstəliyinin sürətlə artdığını bildiriblər.

Bununla bağlı güneyli vəkil Sina Yusifi də özünün sosial media hesabında paylaşım edib.

"Ermənistanla İran sərhəddinin başlandığı yerdən Araz çayının suyunun rəngi dəyişir. Bu çirkli sularla bölgənin bağları və əkin sahələri suvarılır. ərdəbildə isə xərçəng xəstəliyi tuğyan edir.

Ekoloji problemlə bağlı edilən müraciətlər cavabsız qalır və bu barədəki faktlar gizli saxlanılır",- S.Yusifi bildirib.

Qeyd edək ki, Ermənistanın Mestamur Atom Elektrik Stansiyasının zəhərli tullantılarının Araz çayına axıdılması ilə bağlı dəfələrlə xəbərdarlıqlar edilib.

Şərqi Azərbaycan və Ərdəbil əyalətlərində xərçəng xəstəliyinin sürətlə yayılmasından sonra bir neçə millət vəkili və yerli məsul hökumət qarşısında məsələ qaldırıb.

Yerli əhali və ekofəalların çox saylı etirazlarından sonra Parsabad və Biləsuvar şəhərlərinin İran parlamentindəki nümayəndəsi Şəkur Purhüseyn məsələ ilə bağlı açıqlama verib.

O, Ərdəbil bölgəsində "xərçəng sunamisi"nin baç verdiyini və bunun təhlükəli səviyyəyə çatdığı barədə xəbərdarlıq edib.

"Baş verənlər sübut edir ki, Ermənistanın sənaye tullantıları səbəbindən Araz çayında ağır metalların çox olması xərçəng xəstəliyinin yayılmasına səbəb olub",- millət vəkili bildirib.

Bir neçə gün öncə mayın 1-də isə ərdəbil Tibb Elmləri Universitetinin rektor müavini Məhəmməd Cəfərzadə Ərdəbilin İran əyalətləri arasında ilk yeri tutdduğunu söyləyib.

Günaz.TV

GUNAZ.TV

SON XƏBƏRLƏR