Contact Us

SON XƏBƏRLƏR

"Onlar Azərbaycan dövlətinin qətiyyətinin və əzminin şahidi oldular”-Emin Həsənli

2023.05.05, 08:50
"Onlar Azərbaycan dövlətinin qətiyyətinin və əzminin şahidi oldular”-Emin Həsənli

Gunaz.tv

O, qeyd edib ki, mayın 3-də Şuşada keçiirlən “Böyük Avrasiya geosiyasətinin formalaşması: keçmişdən bu günə və gələcəyə” mövzusunda beynəlxalq konfrans bir çox məqamları ilə yaddaqalan oldu: “Bu məqamların mərkəzində Azərbaycan Prezidentinin çıxışında səsləndirdiyi fikirlər dayanırdı: “Cənab Prezident tədbirdəki çıxışında qardaş Türkiyə ilə imzalanan Şuşa Bəyannaməsinin üzərində xüsusi dayandı. 

Dövlət başçısı bəyan etdi ki, Şuşa Bəyannaməsinin imzalanması tarixi hadisə idi. Dövlət başçısı onu da dedi ki, ümumiyyətlə, Azərbaycanla Türkiyə arasında münasibətlər de-fakto müttəfiq münasibətləri idi və biz bunu xüsusi olaraq son iyirmi ildə nümayiş etdirmişdik.

“Prezident Ərdoğanın Türkiyəyə rəhbərlik etdiyi son iyirmi ildə bizim münasibətlərimiz mənim onunla birgə səylərimiz nəticəsində təkcə qardaş xalqlar arasında deyil, eyni zamanda, müttəfiqlər arasında olan münasibətlərə çevrilmişdir” deyə cənab Prezident vurğuladı. 

Hesab edirəm ki, həm bu, həm də Azərbaycan Prezidentinin “Azərbaycanla Türkiyə arasındakı gələcək münasibətlərə gəlincə, mən tamamilə əminəm ki, hər iki ölkə nəinki təkcə bu müttəfiqliyin formatını qoruyub saxlayacaq, hətta onu gücləndirəcəkdir. Çünki yeni geosiyasi reallıqda bu, artıq regional sabitliyin və təhlükəsizliyin mühüm amilinə çevrilib. 

İstər bu hərbi komponent, enerji, kommunikasiyalar, istərsə də ticarət və s. sahələr olsun. Mən çox nikbinəm və düşünürəm ki, Türkiyə və Azərbaycan arasında münasibətlərin qardaşlıq xarakterini heç nə dəyişməyəcək” deyə bəyan etməsi olduqca dəyərli və əhəmiyyətlidir”.

E.Həsənli bildirib ki, İlham Əliyevin tədbirdəki çıxışında üzərində xüsusi olaraq dayandığı digər məsələ Ermənistanla aparılan danışıqlar idi: “Cənab Prezident növbəti dəfə birmənalı şəkildə bəyan etdi ki, əgər Ermənistan sülh istəmirsə sülh olmayacaq. Tarixdən bilirik ki, sülh sazişini imzalamayan ölkələr də var. Bu, nə Ermənistan, nə də region üçün yaxşı olmayacaq.

Əlbəttə ki, Azərbaycan üçün də yaxşı olmayacaq. 

Buna görə də biz hələ də ümid edirik ki, onlar məntiqli davranacaqlar, sabiq Minsk qrupu fəaliyyətdə olanda işğal zamanı istifadə etdikləri taktikadan istifadə etməyəcəklər”.

“Hesab edirəm ki, bu tədbirin Heydər Əliyev ilində Şuşada keçirilməsi Heydər Əliyev siyasətinin alternativsiz olduğunu bir daha təsdiqlədi.

Eyni zamanda, cənab Prezident bu konfransda həm beynəlxalq siyasət, həm Azərbaycanın gələcəyi, həm Türkiyə-Azərbaycan qardaşlığı, həm Azərbaycan-İran münasibətləri, regionda və dünyada baş verən proseslərlə bağlı çox önəmli açıqlamalar verdi” deyə E.Həsənli sonda qeyd edib.

Açar Sözlər :

SEÇİLMİŞ XƏBƏRLƏR

Çox oxunanlar