Sərhəddə bufer zona yaradıla bilər: “Düşməni sülhə məcbur etməliyik”-Hərbi ekspert

SON XƏBƏRLƏR

Sərhəddə bufer zona yaradıla bilər: “Düşməni sülhə məcbur etməliyik”-Hərbi ekspert

2023.05.12, 12:41

Gunaz.tv

Onun sözlərinə görə, son günlər Kremldən gələn siqnallar Ermənistan-Azərbaycan şərti sərhədində Kollektiv Təhlükəsizlik Müqaviləsi Təşkilatının (KTMT) qoşunlarının yeridilməsi niyyətini aşkar şəkildə nümayiş etdirirdi: “Rusiyanın belə maraqları əvvəl də olub.

İndi də Avropa İttifaqının missiyası Ermənistan ərazisinə yerləşdirildikdən sonra Rusiya bu istiqamətdə təzyiqlərini artırmağa başlayıb.

Son təxribatların da siqnalının məhz Kremldən və onun idarə etdiyi Rusiyanın Ermənistanda mövcud olan hərbi rəhbərlər vasitəsilə həyata keçirildiyinə dair ciddi şübhələrimiz var”.
Ədalət Verdiyev bildirib ki, yaxın perspektivdə sülh sazişinin imzalanması real görünmür.

“Çünki burada kifayət qədər tərəflərin mövqeləri arasında fərq var. Ermənistan üzərinə götürdüyü öhdəlikləri yerinə yetirmir. Hələ bu azmış kimi sülh barədə danışıqların getdiyi bir vaxtda geniş miqyaslı təxribatlara yol verir.

Təbii ki Azərbaycan ordusunun şəxsi heyətinin erməni təxribatı nəticəsində şəhid olması və yaralanması heç bir halda sülh sazişinin yaxın perspektivdə imzalanmasına münbit şərait yaratmır”.
Bəs Azərbaycan Ermənistanı sülhə məcburetmə planına əl ata bilərmi?

Ekspert hesab edir ki, Ermənistanın təxribatları bu tempdə davam edərsə o zaman təbii ki Azərbaycan Ermənistanı cəzalandırmaq üçün daha ciddi təsirli və effektiv addımlar ata bilər.

“Bu addımlardan biri də Azərbaycanın tarixi torpaqları hesabına sərhədlərinə bufer və ya təhlükəsizlik zonasının yaradılmasından ibarət ola bilər.

Bütün bunlar Ermənistanın davranışlarından daha çox asılı olacaq. Azərbaycanın gündəliyi sülh gündəliyidir. Lakin düşmən sülh arzu etmirsə, düşmən tərəfi bu sülhə məcbur etməliyik”.

Ayxan

GUNAZ.TV

SON XƏBƏRLƏR