Contact Us

SON XƏBƏRLƏR

İranın beynəlxalq narkotik şəbəkəsi ilə kirli əlaqəsi ifşa edildi 

2023.05.17, 14:20
İranın beynəlxalq narkotik şəbəkəsi ilə kirli əlaqəsi ifşa edildi 

Gunaz.tv

Naci Şərifi Zeyndəşti SEPAH-ın yüksək vəzifəlilərinin köməyi ilə İranın 1 nömrəli narkotik maddəsi ilə məşğul olan kartelə çevrilib.

Məlumata əsasən son vaxtlar narkotik ittihamı ilə məhbusların edamının artması da SEPAH daxilindəki qrupların bir-birinə əzələ nümayişinin nəticəsidir. 

Zeyndəşti və əməkdaşları İranın narkotik maddələr bazarında böyük imkanlara malikdir. Tehranın narkotik bazarında satılan maddələrin 35 faizi, İran üzrə isə narkotik qaçaqmalçılığının 20 faizi Zeyndəştiyə məxsusdur. 

Zeyndəşi bir neçə ildir ki, yaxın dostlarından ibarət “Dostlar Klubu” adlı qurum yaradıb.

Həmin klubun üzvləri SEPAH-ın, Milli Təhlükəsizlik Şurasının, Tehran bələdiyyəsinin yüksək rütbəli üzvləri, həmçinin parlamentin deputatlarıdır.

Zeyndəşti həmin vəzifəlilərə rüşvət verməklə yanaşı, davamlı olaraq İranın yüksək vəzifəlilərini tiryək və heroinlə təmin edir. 

Onların bir neçəsi narkotik maddələrinin ticarəti üzrə Zeyndəşti ilə əməkdaşlıq edir və Tehranın narkotik bazarında onun fəaliyyətinə göz yumurlar. 

Naci Şərifi Zeyndəşti narkotik maddələrinin qaçaqmalçılığı səbəbindən illər öncə edama məhkum olunub və 1997-ci ildə həbsxanadan qaçaraq Türkiyəyə gedib və bu ölkəyə narkotik maddələrin ixracını həyata keçirib. 

Zeyndəşti ETTELAAT və SEPAH-la iki sahədə: İran rejiminə müxalif olanları terror etmək və oğurlamaqda əməkdaşlıq edir.

Həmçinin İranın təhlükəsizlik qurumlarının köməkliyi ilə narkotik maddələrin Avropaya qaçaqmalçılığı ilə məşğul olur. 

Zeyndəşti ötən illərdə müxaliflərə qarşı terror və onların  oğurlanmasında İranın yüksək vəzifəliləri ilə əməkdaşlıq etdiyinə görə ETTELAAT-ın yüksək rütbəlilərinin etibarını qazanıb və 2 il öncədən onlarla sıx əməkdaşlığa başlayıb.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar