"Rusiyanın Qarabağdakı mövcudluğunun bitməsinə az qalıb"-General

SON XƏBƏRLƏR

"Rusiyanın Qarabağdakı mövcudluğunun bitməsinə az qalıb"-General

2023.05.18, 13:25

Gunaz.tv

General modern.az-a açıqlamasında deyib ki, müharibədən sonra ağır duruma düşən Ermənistanın sülhdən başqa çıxış yolu yoxdur.

“Baş nazir Nikol Paşinyan açıqlama verərək Qarabağın Azərbaycan torpağı olduğunu bildirib. Ancaq erməni baş nazir açıqlamasına uyğun addımlar atmır. Çünki Paşinyanın və Ermənistanın birdən çox sahibi var.

Hər görüş öncəsi Ermənistan bu cür təxribatlar törədərək göstərmək istəyir ki, guya sərhəddə sabitlik yoxdur və bunun səbəbi də Azərbaycandır.

Reallıq isə ondan xəbər verir ki, Ermənistan Azərbaycanla bir gün belə müharibə apara bilməz"-deyə, general bildirib.

Qarabağ erməniləri üçün təqvim hazırlanmalıdır - Türkiyəli general

Yücel Karauz hesab edir ki, indiki durumda Azərbaycan həm yumşaq güc olan siyasətdən istifadə etməli, həm də hərbi təxribatların qarşısını almaq üçün ciddi tədbirlər görməlidir.

"Azərbaycan Silahlı Qüvvələri qarşı tərəfin törətdiyi bütün təxribatların qarşısını alır. Ermənilər başa düşməlidirlər ki, Azərbaycan Ordusu həddindən artıq güclüdür və istənilən təxribatın qarşısını almağa qadirdir.

Digər bir məsələyə toxunmaq istərdim. Proses onu göstərir ki, Rusiyanın Qarabağdakı mövcudluğunun bitməsinə az qalıb.

Ona görə də sülh müqaviləsinin imzalanması yolunda adekvat addımlar atılmalıdır. Azərbaycan Ordusu bütün təxribatlara qarşı hüquq çərçivəsində adekvat davranır.

Mən düşünürəm ki, Qarabağda yaşayan ermənilərin Azərbaycan vətəndaşı olması ilə bağlı təqvim hazırlanmalıdır. Məndə olan məlumata görə, bununla bağlı danışıqlar gedir.

Həmçinin, separatçıların da Qarabağı tərk etməsi üçün təqvim hazırlanmalıdır. Qarşı tərəf bunu qəbul etməsə, Azərbaycan Ordusu dəqiq kəşfiyyat məlumatları və müasir texnologiyalardan istifadə edərək, geniş əməliyyatlar keçirməlidir", - Y.Karauz əlavə edib.

Ayxan

GUNAZ.TV

SON XƏBƏRLƏR