Ərəbistan siyasilərinə və jurnalistlərinə kiber hücumlarda SEPAH izi

SON XƏBƏRLƏR

Ərəbistan siyasilərinə və jurnalistlərinə kiber hücumlarda SEPAH izi

2023.05.24, 16:29

Gunaz.tv

Nəşr edilmiş tədqiqat materiallarına əsasən bu kiber hücumların arxasında SEPAH-ın durduğu güman edilir.

Qeydə Alınmış Gələcək (Recorded Future) Kiber Təhlükəsizliyi Cəmiyyətinin hesabatına əsasən Oyl Alfa (Oil Alpha) adlanan həmin haker qrupu bu hücumları təşkil edib.

Hücumlar Ərəbistan yarımadasında fəaliyyət göstərən humanitar qruplara, media və qeyri-hökumət təşkilatlarına olunub.

Yəmən husilərinin ideyalarını müdafiə edən hakerlər mesaj göndərmə proqramı olan "whatsApp" mobil tətbiqi vasitəsi ilə hədəflərinə hücum edirmiş.

"Oyl Alfa" Qrupu 2022-ci ilin aprel ayından maya kimi "whatsApp" vasitəsi ilə anderoid sistemində aktiv olan zərərverici proqramı bir sıra siyasətçilərin və jurnalistlərin mobil aparatlarına göndərib.

Bu zərərverici proqram həmin şəxslərin mobil telefonlarında casusluq proqramlarının yüklənməsinə imkan yaradıb.

Qeyd olan tarixlər Səudiyyə Ərəbistanının Yəməndə vətəndaş müharibəsi tərəflərinin danışıqlarına ev sahibliyi etdiyi vaxtlardır.

Xatırladaq ki, SEPAH-ın husilərə maliyyə ayırması və bu silahlı qrupu silahla təmin etməsi dəfələrlə beynəlxalq təşkilatlar tərəfindən tənqid olunub.

Beynəlxalq təşkilatlar tərəfindən bu yardımların dayandırılması tələb olunub.

Taymaz

GUNAZ.TV

SON XƏBƏRLƏR