"Türkiyə bu seçkilərlə dünyaya demokratiya dərsi keçdi"-Politoloq

SON XƏBƏRLƏR

"Türkiyə bu seçkilərlə dünyaya demokratiya dərsi keçdi"-Politoloq

2023.05.30, 08:28

“Qardaşlığımız Əbədidir” QHT Koalisiyasının başqanı, politoloq Emin Həsənli Ədalət və İnkişaf Partiyasının (AKP) mərkəzi qərargahında partiyanın sədr müavini və Sosyal siyasət başqanı Jüridə Sariəroğlu ilə görüşüb.

Gunaz.tv

Görüşdə Türkiyə Müharib Qazilər Birliynin sədri Bəyazid Yumuk da iştirak edib.

Jüridə Sariəroğlu qonaqları partiyanın qərargahında salamladı. Türkiyə-Azərbaycan qardaşlığında iki ölkə prezidentinin fəaliyyətini yüksək qiymətləndirib.

Emin Həsənli Türkiyədə keçirilən seçkilərdə Rəcəb Tayib Ərdoğanın qələbəsi münasibəti ilə Jüridə Sariəroğlunu təbrik edib. Azərbaycan xalqının da seçkiləri diqqətlə izlədiyini və Azərbaycanda hər kəsin bu seçkiyə həssas yanaşdığını bəyan edib.

44 günlük müharibədən sonra Türkiyədə baş verən zəlzələ zamanı Azərbaycanın dəstək verdiyini qeyd edib.

"Bu da təbiidir. Türkiyə prezidenti Rəcəb Tayib Ərdoğanın rəhbərliyilə Türkiyə Dövləti və Türkiyə xalqı 44 günlük müharibə zamanı Azərbaycanın yanında oldu. Siyasi və mənəvi dəstək verdi"-deyə, o, bildirib.

Eyni zamanda, hərbyönümlü təşkilatların Türkiyənin qürur mənbəyi olduğunu qeyd etdi. Ehtiyatda olan zabitlər, gizirlər və qazilərlə fəxr etdiyini bildirib.

Türkiyə Müharib Qazilər dərnəyinin sədri Bəyazid Yumuk Azərbaycanın hərbi təşkilatları ilə əməkdaşlığı çox yüksək qiymətləndirib.

Türkiyədə qazilər, şəhid ailələri, müharib qazilər seçkilərdə Rəcəb Tayyib Ərdoğanı dəstəklədiklərini, parlament seçkilərində də Cumhur ittifaqına səs verdiklərini bəyan edib. Bir vətəndaş kimi Rəcəb Tayib Ərdoğanın şəhid ailələrinə, qazilərə göstərdiyi diqqət və qayğıdan söz açıb.

Emin Həsənli Türkiyədə seçkiləri yaxından izlədiyini, Türkiyə xalqının bir daha inkişafa tərəqqiyə, ədalətə səs verdiyini və Rəcəb Tayib Ərdoğanın Türkiyə dövləti üçün etdiklərini, dünya birliyində Türkiyənin gördüyü işləri yüksək qiymətləndirdi.

"Türkiyə bu seçkilərlə dünyaya demokratiya dərsi keçdi"-politoloq belə deyib.

Ayxan

GUNAZ.TV

SON XƏBƏRLƏR