Cilovluq faciəsi ilə bağlı roman yazılacaq: "Tarixi əsərlərə maraq çoxdur"-Yazıçı

SON XƏBƏRLƏR

Cilovluq faciəsi ilə bağlı roman yazılacaq: "Tarixi əsərlərə maraq çoxdur"-Yazıçı

2023.05.31, 12:18

Bakıda 5-ci Milli Kitab Sərgisi davam edir. İçərişəhərdə təşkil olunan sərgi iyunun 4-ə qədər davam edəcək. Sərgidə müxtəlif təqdimatlar, panel müzakirələri, yerli və xarici müəlliflərlə görüşlər, imza günləri, poeziya axşamları keçiriləcək.

Gunaz.tv

Tarixi romanlar müəllifi Yunus Oğuz Günaz.TV-yə açıqlamasında kitab sərgisinin əhəmiyyətindən danışıb:

“Bakıda keçirilən kitab sərgisini gəzdim, müşahidələr apardım. Mən Beynəlxalq Kitab sərgisində iştirak edəcəm. Amma İçərişəhərdə keçirilən sərgi də olduqca faydalı bir aksiyadır. Bu gün cəmiyyətdə kitabın, oxu mədəniyyətinin təbliği çox lazımdır”.

Yazıçı deyib ki, Azərbaycan gənclərində tarixi romanlara maraq çox böyükdür:

“Mən rayonları bir-bir gəzirəm, insanlarda Azərbaycan və türk tarixi ilə bağlı yazılmış bədii əsərlərə marağı müşahidə edirəm. Ancaq təəssüf ki, bizdə kitab satışı hələ zəifdir. İnsanlarımızda kitab almaq məsələsində həvəs o qədər də çox deyil. Bu da düşünürəm ki, sosial-iqtisadi durumla bağlıdır”.

Yunus Oğuz bildirib ki, çağdaş ədəbiyyatımızda Güney mövzusu ön planda olmalıdır:

“Gülüstan” və “Türkmənçay” müqaviləsindən sonra xalqımızın düşdüyü durumla bağlı, 1918-ci ildə Urmuda xalqımıza qarşı törədilmiş qanlı qətliamla-Cilovluq faciəsi ilə əlaqədar bədii əsər yazmaq istəyirəm.
Materiallarım kifayət qədərdir”.

Baş redaktorun fikrincə, Quzeydə yaranmış ədəbiyyat nümunələrinə güneylilərin əlçatanlığını təmin etmək üçün kitabların elektron versiyasını yaratmaq lazımdır:

“Təəssüf ki, kitablarımızın elektron versiyası yoxdur. Kitabların elektron satışı da olmalıdır. Hesab edirəm ki, bunu gələcəkdə etmək lazımdır”.

Ayxan

GUNAZ.TV

SON XƏBƏRLƏR