“Qardaşlığımız Əbədidir” QHT Koalisiyasının başqanı Türkiyədə görüşlər keçirib

SON XƏBƏRLƏR

“Qardaşlığımız Əbədidir” QHT Koalisiyasının başqanı Türkiyədə görüşlər keçirib

2023.05.31, 19:06

Türkiyədə səfərdə olan “Qardaşlığımız Əbədidir” QHT Koalisiyasının və “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli bu gün Mehmetçik Vakfının başkanı ehtiyatda olan general-mayor Engil Durakla görüşüb.

Gunaz.tv

Bu barədə məlumat verən Emin Həsənli bildirib ki, Engil Durak 2006-2007-ci illərdə Heydər Əliyev adına Ali hərbi məktəbdə polkovnik rütbəsində xidmət edib.

“Cənab Engil Durak Azərbaycanda zabitlərin hazırlamasında iştirak edib. Prosesin iştirakçısı olan general hesab edir ki, Ali Hərbi Məktəblərə Prezident, Ali baş komandan İlham Əliyev tərəfindən qayğı bəhrəsini verdi.

Vətən Müharibəsi bir daha sübut etdi ki, hərbi quruculuq sahəsində aparılan işlər düz qurulub və bəhrəsini verdi.

Daha sonra Vakf başqanı əsgərə, qaziyə münasibətin yüksək səviyyədə olmasının çox vacib olduğunu bildirdi. Mehmetçik Vakfının Azərbaycanda yaradılmış “Yaşat” fondu ilə əməkdaşlığından danışan Engil Durak hesab edir ki, bu fonda yardım etmək hər bir vətəndaşın borcudur”.

Emin Həsənli görüş zamanı iki ölkənin hərbiyönümlü təşkilatları arasında yaranmış əlaqələrin inkişafının çox gərəkli olduğunu bildirib: “Hesab edirəm ki, iki dövlət arasında bütün sahələrdə yaranmış yüksək səviyyəli əlaqələrin hamısı vacibdir, lakin hərbiyönümlü təşkilatların əlaqələri və və əməkdaşlığı xüsusi əhəmiyyət daşıyır.

Həm Azərbaycan, həm də Türkiyənin qarşısında duran hədəflərə çatması üçün güclü olması vacibdir.

Bu gücün əsas elementi isə hərbi qüdrətdir. Hər bir ölkənin hərbi gücünün əsas elementlərində biri də əsgərə, qaziyə və veterana olan diqqət və qayğıdır.

Bu gün Azərbaycan Prezidentinin və eləcə də Türkiyə Prezidentinin bu mövzuya həssaslığı, qazilərə, şəhid ailələrinə diqqəti hamı üçün örnəkdir”.

Emin Həsənlinin bu fikirlərinə cavab olaraq Engil Durak bildirib ki, Dövlət, Vətən əsgərə, əsgər isə xalqa əmanədir!

Görüşdə Türkiyə Müharib Qazilər Birliynin sədri Bəyazid Yumuk da iştirak edib.

Ayxan

GUNAZ.TV

SON XƏBƏRLƏR