Ərdəbildə Əkbər Azadla milli fəalların görüşü olub

SON XƏBƏRLƏR

Ərdəbildə Əkbər Azadla milli fəalların görüşü olub

2023.06.03, 14:04

Həbs cəzasından sonra sürgünə göndərilməsi barədə qərar çıxarılan Əkbər Azadla ərdəbilli milli fəalları görüşü olub.

Gunaz.tv

Tehranda yaşayan milli fəal Əkbər Azad sürgünə getmədən öncə Ərdəbildə Abbas Lisaninin qonağı olub.

Burada bir neçə milli fəal və keçmiş siyasi məhbusla Güney Azərbaycandakı mədəni məsələləri və ana dili ilə bağlı məhdudiyyətləri müzakirə ediblər.

"Milli fəallar şəxsi maraqlarından keçməklə istənilən çətinliyin öhdəsindən gələ bilərlər",- Əkbər Azad belə deyib.

O, deyib ki, Mili Hərəkatın müsbət nəticə verməsinin əsas amillərindən biri xalqın dəstəyini qazanmaqdır.

"Xalqın dəstəyini arxasında hiss edən cərəyan mütləq qələbə qazanacaq"-deyə, o, bildirib.

Milli fəallar ümumi məsələlərlə yanaşı Əhməd Obalının sağlıq durumu ilə maraqlanıb və ona olan hücumu müzakirə ediblər.

"Düşmən evimizə soxulmaq qabiliyyətinə malikdir və hətta uşaqlarımızı da bizə qarşı qoya bilər. Obalı bəyin niyə və necə incidilməsindən asılı olmayaraq, mən bu əməli siyasi şəxsiyyətə sui-qəsd hesab edirəm",- Əkbər Azad vurğulayıb.

Qeyd edək ki, Əkbər Azad bundan öncə dinc mədəni fəaliyyətlərinə görə və Beynəlxalq Ana Dili Günü münasibətilə keçirilən tədbirə qatıldığı üçün 2 il həbs və 2 illik sürgün cəzasına məhkum edilib.

O, sürgün cəzasını İlam əyalətinin Dərəşəhraz bölgəsində çəkəcək.

Timur

GUNAZ.TV

SON XƏBƏRLƏR