31 yaşlı Azərbaycan vətəndaşı "Evin"də həbsdə saxlanılır

SON XƏBƏRLƏR

31 yaşlı Azərbaycan vətəndaşı "Evin"də həbsdə saxlanılır

2023.06.05, 17:26

Ötən il İranda həbs edilmiş Azərbaycan Respublikasının vətəndaşı Validə Yusifova hələ də Tehranın Evin həbsxanasında qeyri-müəyyən vəziyyətdə saxlanılır.

Gunaz.tv

Qeyd edək ki, Validə Yusifova 2021-ci ilin yanvarında Muğanda tutuqlanıb və Ərdəbil həbsxanalarından birində təkadamlıq kamerada saxlanılıb.

6 gündən sonra o, Təbrizə aparılıb.

Validə Yusifova Təbrizin təhlükəsizlik qurumlarının birində təxminən 3 ay təkadamlıq kamerada saxlanılıb və istintaq olunub.

Sonra istintaqının davam etdirilməsi üçün SEPAH-ın ETTELAAT həbsxanasının 2-A adlanan bölümünə köçürülüb.

İstintaqı bitirəndən sonra Validə Yusifova 2022-ci ilin 24 iyununda Evin həbsxanasının Qadın Məhbuslar Bölməsinə aparılıb.

Yusifova bir müddət öncə Əbülqasım Sələvatının hakimliyi ilə Tehran şəhərinin İnqilab Məhkəməsinin 15-ci şöbəsində mühakimə olunub.

O, “narkotik qaçaqmalçılığı” və “casusluq”da ittiham edilib.

Sonra Validə Yusufovaya birinci ittihamdan bəraət verilib.

Bu barədə məlumat verən mənbə bildirib ki, 31 yaşlı subay xanımın İranda heç bir tanışı yoxdur və saxlanıldığı təxminən 2 il 6 ay müdətində ona Azərbaycanda öz ailəsi ilə əlaqə yaratmasına imkan verilməyib.

“Yusifovaya həbsxana məsulları tərəfindən yüksək dozada yuxu gətirici və sakitləşdirici dərmanlar verilir"-deyə, məlumatlı mənbə bildirib.

Qeyd edək ki, İran siyasi divdentlər qoparmaq üçün xarici ölkələrin, xüsusilə Avropa dövlətlərinin vətəndaşlarını absurd ittihamlarla həbsə atır.

Azərbaycan Respublikasına qarşı vaxtaşırı təhdid bəyanatları səsləndirən İran rejimi azərbaycanlı xanımı absurd ittihamlarla həbsdə saxlamaqda xüsusi məqsəd güdür.

Görünür, İran hakimiyyəti bu olaydan sui-istifadə edərk Bakıya təzyiq etmək və hansısa dividentlərə nail olmaq niyyətindədir.

Taymaz

GUNAZ.TV

SON XƏBƏRLƏR