Contact Us

SON XƏBƏRLƏR

"Qacarın yaratdığı fürsəti qaçırdıq"-İranlı sosioloq

2023.06.09, 16:00
"Qacarın yaratdığı fürsəti qaçırdıq"-İranlı sosioloq

“Tarixdə həmişə belə olub ki, diktatura rejimləri son nəfəsinə və sonuncu mərmiyədək xalqın qarşısında dayanır”-bunu İranlı sosioloq Səid Mədəni bildirib. 

Gunaz.tv

O, bununla dolayısı ilə İranın indiki durumuna işarə edib.

"Onlar hakimiyyətdə qala bilmək üçün küçələrdə kütləvi qırğına əl atır, insanları həbsxanalarda və dözülməz kameralarda işgəncəyə məruz qoyur və edam edir.

Lakin müasir dünyada diktatura sistemlərdən bir qismi ağıllı davranıb referenduma gedir, ölkəni böhrandan və məhv olmaqdan xilas edir"-sosioloq belə deyib. 

Onun sözlərinə görə, buna nümunə İtaliyadır:

"77 il öncə diktatura sistemi referendumla cümhuriyyət sisteminə keçdi. Bununla da İtaliya qabaqcıl sənaye ölkəsinə çevrildi. İndi isə İtaliya dünyanın 9-cu güclü iqtisadiyyatıdır.

İranın tarixinə baxsaq biz də bu tərzlə davrana və demokratik və güclü bir dövlət ola bilərdik. Bu fürsət sonuncu Qacar hökmdarı Qacar Əhməd şah zamanında mümkün idi. 

Həmin vaxt güc məclisin əlində olub, Əhməd şah isə ölkə işlərinə müdaxilə etməyərək simvolik xarakter daşıyıb və heç bir gücə malik olmayıb.

Lakin Rza şah gələndən sonra bu fürsət qaçırıldı və Pəhləvilər diktaturası başladı.

Sonra oğlu onun yerinə keçdi. 1979-cu il inqilabında qırğınlar törətdi, lakin hakimiyyətinə son qoyuldu".

Sosioloq deyib ki, III dünya ölkələrində diktatorlar dəyişikliyə müqavimət  göstəriblər. Nəticədə xalq onları silahlı mübarizə və qanlı inqilablarla devirməli olub. 

"Onlar İtaliya kimi siyasi islahata və referenduma ketsəydil bəlkə də bu ölkələr belə geridə qalmış və yoxsul olmazdı"-deyə, sosioloq Mədəni qeyd edib.

Xatırladaq ki, İranda indiki islami diktaturaya qarşı çıxan Rza Pəhləvini İrana hakim etmək istəyənlər həmişə Qacar sülaləsini pisləyir, bu xanədanın İranın geri qalmasının əsas səbəkarı olduğunu iddia edirlər. 

Lakin sosioloqun Əhməd şah Qacarın demokratik davranışları barədə fikirləri bu iddianın absurd olduğunu və İranın geri qalmasına pəhləvilərin səbəb olduğunu göstərir.  

Taymaz

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar