Contact Us

SON XƏBƏRLƏR

"Qərbi Azərbaycanın tarixinə dair dərslik yoxdur" - Sabiq nazir

2023.06.12, 13:06
"Qərbi Azərbaycanın tarixinə dair dərslik yoxdur" - Sabiq nazir

“Qərbi Azərbaycana qayıdışla bağlı çatışmayan cəhətlərimizdən biri Qərbi Azərbaycan tarixini çatdıran dərs vəsaiti və monoqrafiyalarımızın olmamasıdır”. Bunu sabiq təhsil naziri Misir Mərdanov deyib.

Gunaz.tv

Qərbi Azərbaycan İcması Müşahidə Şurasının sədri Misir Mərdanov bu barədə Milli Məclisin Mədəniyyət komitəsinin təşkilatçılığı ilə “Qərbi Azərbaycan: soyqırıma məruz qalan tarixi-mədəni irsimiz" mövzusunda keçirilən geniş tərkibli ictimai dinləmədə danışıb.

Onun sözlərinə görə, bu gün Qərbi Azərbaycana qayıdış ən ciddi məsələlərdən biridir: “Bizim ən çatışmayan cəhətlərimizdən biri Qərbi Azərbaycan tarixini çatdıran dərs vəsaiti və monoqrafiyalarımızın olmamasıdır.

Hesab edirəm ki, bu məsələyə alimlərimiz və Elm və Təhsil Nazirliyi diqqətlə yanaşmalıdır. Hökmən bu məsələ ilə əlaqədar çalışmalıyıq. Digər məsələ isə 1988-ci ilin sonunadak Qərbi Azərbaycanda yaşayan insanların sayının getdikcə azalmasıdır.

Mən media nümayəndələrinə müraciət edirəm ki, qərbi azərbaycanlılarla bağlı filmlər çəksinlər və yaxud yazılar yazsınlar”.

M.Mərdanov xatırladıb ki, bir zamanlar Şuşaya, Qarabağa qayıdışa inanmırdılar. İndi həmin düşüncələr Qərbi Azərbaycana qayıdışla bağlı var:

"Mən 2001-ci ildə həmin ərazilərə səfər etmişəm. Orada demək olar ki, məşkunlaşan yox idi. Ona görə də Qərbi Azərbaycana qayıdışla bağlı ümidli olmalıyıq və 44 günlük müharibədə Prezident İlham Əliyevin ətrafında sıx birləşməklə zəfərə nail olduq.

Gəlin, Qərbi Azərbaycana qayıdışa ögey yanaşmayaq və hər birimiz bu məsələdə əlimizdən gələni edək”.

Ayxan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar