Contact Us

SON XƏBƏRLƏR

İran Mehridə İrəvan üçün yeni sərhəd-keçid məntəqəsi tikir

2023.06.13, 10:07
İran Mehridə İrəvan üçün yeni sərhəd-keçid məntəqəsi tikir

Ermənistan-İran sərhədində yerləşən Mehri sərhəd-keçid məntəqəsinin modernləşdirilməsi prosesi 2026-cı ilə qədər davam edəcək.

Gunaz.tv

Bu barədə Ermənistanın Dövlət Gəlirləri Komitəsi məlumat yayıb.

Ermənilər Rusiyanı atıb, İranı tutur - Sorğunun nəticələriMəlumata görə, artıq Mehridə gömrüyün restrukturizasiyası və modernləşdirilməsi üzrə işlərə başlanılıb.

İddia edilir ki, məhz İranla sərhəddə beynəlxalq standartlara cavab verən müasir buraxılış məntəqəsinin tikilməsi istiqamətində xüsusi tədbirlər görüləcək: "Mehridə sərhəd-keçid məntəqəsinin işini tam təmin etmək üçün 4000 kvadratmetrlik tikinti sahəsində ikimərtəbəli inzibati binanın ərsəyə gətirilməsi planlaşdırılır".

Tikinti işlərini İranın “ Tana Energy Management Company ” şirkəti həyata keçirəcək.

Xatırladaq ki, bir müddət öncə Dövlət Gəlirləri Komitəsinin rəhbəri Rüstəm Badasyan bu mövzuda diqqət çəkən açıqlama vermişdi. O demişdi ki, 2022-ci ildə bu işlərə 1,2 milyard dram (3,1 milyon dollardan çox-red.) ayrılması nəzərdə tutulubmuş. Lakin tikintiyə hazırlıq prosedurlarında gecikmələr olub və layihə həyata keçirilməyərək 2023-cü ilə təxirə salınıb.

Qeyd edək ki,Ermənistan İkinci Qarabağ müharibəsindən sonra İranla hərbi-diplomatik əməkdaşlıqla yanaşı, iqtisadi-siyasi əlaqələri də gücləndirib. Rəsmi Tehran əlaqələrin genişləndirilməsində xüsusilə fəallıq nümayiş etdirir.

Ayxan

Açar Sözlər :

SEÇİLMİŞ XƏBƏRLƏR

Çox oxunanlar