Ermənistan Putinin əleyhinə olan sənədi təsdiqləyəcək

SON XƏBƏRLƏR

Ermənistan Putinin əleyhinə olan sənədi təsdiqləyəcək

2023.06.17, 11:42

Ermənistan hökuməti tezliklə Beynəlxalq Cinayət Məhkəməsinin (BCM) Roma Statutunu ratifikasiya üçün parlamentə təqdim edəcək.

Gunaz.tv

Bu barədə ölkənin baş nazirinin aparatının informasiya və ictimaiyyətlə əlaqələr şöbəsindən "Armenpress"ə bildirilib.

Ermənistan 1999-cu ildə Roma Statutunu imzalasa da, onu ratifikasiya etməyib. 2022-ci ilin sonunda hökumət BCM-nin yurisdiksiyasının tanınması xahişi ilə Ermənistan Konstitusiya Məhkəməsinə müraciət edib.

Martın 24-də Ermənistan Konstitusiya Məhkəməsi Roma Statutundan irəli gələn öhdəliklərin konstitusiyaya uyğun olduğunu tanıyıb.

Modern.az xatırladır ki, martın 17-də BCM-nin İstintaq Palatası uşaqların Ukrayna ərazisindən qanunsuz çıxarılması işi üzrə Rusiya prezidenti Vladimir Putin və Uşaq Ombudsmanı Mariya Lvova-Belovanın həbsinə order verib.

Orderin icrası Roma Statutunun üzvü olan dövlətlərin üzərinə düşür. Aprelin 2-də Ermənistan parlamentinin vitse-spikeri Akop Arşakyan bildirib ki, Ermənistanın Vladimir Putini həbs etmək niyyəti yoxdur.

GUNAZ.TV

SON XƏBƏRLƏR