Contact Us

SON XƏBƏRLƏR

İranın nüfuzlu din xadimi məcburi hicaba qarşı çıxdı

2023.06.22, 16:52
İranın nüfuzlu din xadimi məcburi hicaba qarşı çıxdı

Qumda yerləşən “Elmiyyə Hövzəsi” Tədqiqatçıları və Tədrisçiləri Mərkəzi Şurasının üzvü Məhəmmədəli Ayazi məcburi hicaba qarşı çıxıb. O, geyim məsələsinin insanın şəxsi işi olduğunu qeyd edib.

Gunaz.tv

“Hicab hər kəsin şəxsi məsələsidir. Kimsə müsəlman bir şəxsin özəl məsələləri barədə təftiş apara və müdaxilə edə bilməz”- Məhəmmədəli Ayazi belə deyib.

Onun sözlərinə göröə, xalqın şəxsi işlərinə müdaxilə üçün müəyyən bir quruma müdaxilə icazəsi verən hər hansı qanunda hökmən düzəliş olunmalıdır. 

"Belə olarsa xalqla hakimiyyət arasında yaranmış çat dərinləşməz.

Məclisin deputatları hansısa çevrələrə yox, xalqa bağlı olarsa, hicab və yaxud hər hansı məsələ barəsində lazımi araşdırmalar aparılandan sonra qərar verərlər.

Bizim əsas problemimiz hər kəsin özbaşına və savab-günah əsasında qanun çıxarmasıdır.

“Nigəhban Şurası” da bu məsələyə müdaxilə edənlər sırasında birinci yerdə durur.

Bu şura ləyaqətli şəxsləri rədd etməklə heç bir təcrübəsi olmayanların seçilməsinə şərait yaradır”-Şura üzvü əlavə edib.

Qeyd edək ki, Qum şəhərində yerləşən “Elmiyyə Hövzəsi” dini tədris qurumudur və gənc mollalar orada təhsil alır. 

Həmçinin “Nigəhban Şurası” İranın dövlət sistemində hətta İran Məclisindən üst qurumdur və hər hansı qanun layihəsi bu şuranın tərəfindən araşdırılıb təftiş olunmalıdır.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar