Contact Us

SON XƏBƏRLƏR

Yəzd həbsxanasında rəzalət: Ərəb siyasi məhbuslar döyülüb

2023.06.24, 12:45
Yəzd həbsxanasında rəzalət: Ərəb siyasi məhbuslar döyülüb

Yəzd şəhərinin mərkəzi həbsxanasında ərəb siyasi məhbuslar fiziki zorakılığa məruz qalıb. Onlarla yanaşı digər məhkumlar da bərk döyülüb.

Gunaz.tv

“Karun” İnsan Haqları Təşkikatı bu barədə xəbər yayıb. Məlumata görə, ərəb siyasi məhbuslar Məhəmməd Heydəri və Cəfər Beytulla iyunun 19-da döyülüb. Onlara ağır bədən xəsarətləri yetirilib.

Məlumata əsasən həbsxananın klinika şöbəsində müalicə imkanı olmadığından onlardan bəziləri Yəzd şəhərinin “Şəhid Fərruxi” adına xəstəxanasına çatdırılıb.

Qeyd edək ki, 35 yaşlı siyasi məhbus Heydəri Məhəmməd Zamil oğlu Əhvaz şəhərinin sakinidir.

Ona “silahlı mübarizə" ittihamı ilə 15 il azadlıqdan məhrumetmə cəzası verilib.

M.Heydəriyə sinə nahiyəsindən bıçaqla zərbələr endirilib. Hazırkı sağlıq durumu barədə hələ məlumat yoxdur.

Məhbusların döyülməsini müşahidə etmiş məhkumlardan biri təşkilata bildirib: “20-dən artıq əfqan və Yəzd şəhərindən bir neçə məhbusa xəsarət yetirilib”.

Həmçinin bildirilib ki, Cəfər Rəhim oğlu Beytulla da “silahlı mübarizə" ittihamı ilə 16 ilədək həbsə məhkum edilib.

33 yaşlı Cəfər Rəhim oğlu Beytulla Xuzistan əyalətinin Sus (Şuş) rayonundandır.

Əl nayihəsindən xasarət almış məhkumun sağlıq durumu barədə məlumat yoxdur. 

 Qeyd edək ki, İranda “silahlı mübarizə" ittihamı dövlətə və Allahın yerdə nümayənəsinə qarşı silahla mübarizə anlamındadır və ancaq siyasi məhbuslara şamil olunur.

“Karun” İnsan Haqları Təşikatı habelə bildirib ki, sözügedən həbsxananın mühafizə dəstəsinin başçısı Əli Məhəmməd Dehqan alı şəxsdir.

O, məhbuslar arasında "iyrənc və insanlıqdan uzaq” biri kimi xarakterizə olunur.

Bildirilir ki, həbsxanada saxlanılan 11 siyasi məhbusun şəraiti dözülməz və ağırdır. Onlar vaxtaşırı məmurlarının qərəzli davranışlarına və təhqirlərinə məruz qalırlar. Həmçinin məhkumlar həbsxana daxilində məqsədli şəkildə törədilmiş qarşıdurmalara dözməli olurlar.

Qeyd edək ki, mərkəzi həbsxanada hardasa 3000 məhbus saxlanılır, siyasi məhbuslar isə 9-cu bənddə saxlanılır.

Taymaz
 

Açar Sözlər :

SEÇİLMİŞ XƏBƏRLƏR

Çox oxunanlar