Contact Us

SON XƏBƏRLƏR

Təbrizin məşhur tarixi binası narkomanların yuvasına çevrilib-FOTOLAR

2023.06.28, 14:18
Təbrizin məşhur tarixi binası narkomanların yuvasına çevrilib-FOTOLAR

​​​​​​​Təbrizin Əhrab məhəlləsində yerləşən qədim tikili narkomanların məkanına çevrilib. Durum yerli sakinləri narazı salıb. 

Gunaz.tv

Qeyd edək ki, Təbrizin qədim və tarixi məhəllələrindən biri olan Əhrab məhəlləsimndə Almaniyanın qədim konsulluğu və yaxud "Süməyyə" mədrəsəsi yerləşib.

Məhəllənin təxminən 50 sakini toplaşaraq tarixi abidənin hazırki durumunun təəssüf doğurduğunu bildirib.

Sakinlər bildirib ki, narkomanların sözügedən məkana toplaşması ciddi sosial problemlər yarada bilər.

Tarixi əhəmiyyət daşıyan məkana çoxlu məişət tullantıları ilə atılıb. Ərazidə şüşə qırıtıları və zibil qalaqlanıb. Divarlara təhqiramiz ifadələr yazılıb. 

Divarların suvağı baxımsızlıqdan tökülüb.

Sakinlər bildirib ki, abidəyə dövlət qayğısı göstərilmədiyi üçün ərazi evsizlərin və narkotik istifadəçilərinin gecələdiyi məkana çevrilib. 

Əhali tələb edib ki, məkan mədəni irs nümunəsi olduğu üçün dövlət onu bərpa edib kitabxanaya, muzeyə çevirməlidir.

Həmçinin bildirilib ki, cari ilin mart ayında binanın qarşısında yol tikintisi adı ilə görülən işlər nəticəsində ilə binanın özülünə və divarlarına ciddi ziyan dəyib.

Bununla da binanın bütövlüyünə xələl gətirilib. 

Sakinlərinə sözlərinə görə, narkomanlar orada hətta it də saxlayır.

"Gecələr orada od qalayırlar, ona görə də binanın içini his basıb. Binanın bütün dəmirləri konstruksiyaları və sütunları narkomanlar tərəfindən qopardılıb və bina çökmə ərəfəsindədir"-sakinlər belə deyib.

Məhəllənin sakini olan tarix müəllimi binanın tarixi əhəmiyyətə malik olduğunu bildirib.
"Binada Almaniya konsulluğu yerləşməyib. Əvvəlcə burada “British Council” və ya Britaniya Konsulluğu olub.

İnqilabdan sonra "Süməyyə" adlı qız məktəbinə çevrilib və məktəb başqa yer köçürüləndən sonra bu günə kimi boş qalaraq baxımsızlıqdan bərbad günə düşüb"-deyə, o, bildirib.

Qeyd edək ki, Təbrizin 4-cü Bölgəsinin bələdiyə başçısı söz verib ki, bu möhtəşəm binanın problemlərini qaldıracaq. Lakin bu istiqamətdə hal hazradək heç bir tədbir görülməyib.

Taymaz


 

Açar Sözlər :

SEÇİLMİŞ XƏBƏRLƏR

Çox oxunanlar