Contact Us

SON XƏBƏRLƏR

“TikTok” rəsmiləri İrana gəlir

2023.07.01, 14:29
“TikTok” rəsmiləri İrana gəlir

İyulun 2-də keçiriləcək toplantıda iştirak üçün “TikTok” rəsmiləri İrana gələcək. Bu barədə Tehranın Ticarət Palatası Beynəlxalq Əlaqələr Şöbəsinin sədr müavini Hisaməddin Hallac bildirib.

Gunaz.tv

“Çinin elektron ticarət üzrə qabaqcıl şirkətlərindən biri olan "TikTok"un mütəxəssisləri Tehranın Ticarət Palatasına gələcək, ölkəmizin iqtisadi sahədə fəaliyyət göstərən qabaqcıl iş adamları ilə danışıqlar aparılacaq.

İnternetdə satış xidmətləri göstərən "TikTok" şirkəti İranın Ticarət və Sənaye Nazirliyinin Elektron Ticarətin İkişafı Mərkəzinin rəsmən dəvəti ilə gəlir. 

Məqsəd İranın istehsal və təminat potensialı ilə tanışlıq, "EleKom 2023" Sərgisində iştirak və iki ölkə arasında ticarət-iqtisadi əməkdaşlıqlar səviyyəsinin artırılmasıdır.

"TikTok" şirkəti Çində istifadəçisi çox olan platformalar vasitəsi ilə İranın şirkətlərinə marketinq və məhsul satışı üzrə köməklik edir. Ona görə də Palata iyulun 2-i, səhər saat 09.00-da toplantı keçirəcək” -deyə, Hallac açıqlayıb.

Qeyd edək ki, "TikTok" şirkəti dünyada bu proqram vasitəsi ilə Çinin hakim Kommunist Partiyasına casusluqda ittiham olunur.

Amerikada casusluq səbəbindən müvafiq sübutlarla bir çox ştatlarda "TikTok"un istifadəsinə dövlət səviyyəsində qadağa qoyulub. 

Xatırladaq ki, Çin bir neçə ay öncə Amerikanın önəmli hərbi bazaları üzərnə casusluq "şar"ı göndərib.

Amerika hava qüvvələri onları qeyd edəndən sonra vuraraq yerə salıb.

Taymaz

Açar Sözlər :

SEÇİLMİŞ XƏBƏRLƏR

Çox oxunanlar