Contact Us

SON XƏBƏRLƏR

Zahidanın dini müəllimləri və tələbələri deportasiya olunub

2023.07.13, 14:00
Zahidanın dini müəllimləri və tələbələri deportasiya olunub

Zahidanın “Dar ül-Ulum” Mərkəzinin dini müəllimləri və tələbələri məcburi etiraflar əsasında ölkədən deportasiya olunub.

Gunaz.tv

Bu barədə İranın tanınmış sünni lideri Moləvi Əbdül Həmidin Ofisi məlumat yayıb.

Qeyd edək ki, bir müddət öncə İranın rəsmi media qurumlarından biri bununla bağlı məlumat vermiş, “sair ölkələrin saxta sənədlərə malik qanunsuz vətəndaşları” adı ilə “Dar ül-Ulum” Mərkəzinin çoxlu sayda dini müəllimi və tələbəsinin müəyyənləşdirilərək deportasiya olunduqlarını bildirmişdi.

“Məkki Məscidi” adı ilə də tanınan həmin mərkəz yaydığı bəyanatla bildirib: “Mərkəzin deportasiya olunmuş dini müəllimləri və tələbələri kimliyinin saxta olması iddiası həqiqətə uyğun deyil və ağ yalandır.

Onlar məcburi etiraflar əsasına dövlət tərəfindən ölkədən çıxarılıb. 

Bir sıra əfqan tələbənin mərkəzdə olması normal bir haldır. Belə ki, milyonlarla köçkün əfqan qanuni sənədlərlə İranda yaşayırlar. Onların övladları dövlət məktəblərində, univeristet və təlim mərkəzlərində təhsil alırlar. 

Onların kimliklərinin saxta olması iddiasıyalandır. Dünyanın təxminən 130 ölkəsindən, o cümlədən Əfqanıstandan və sair şiə ölkələrindən dini tələbələr “Camiət Ül-Mustafa Əl-Aləmiyyə” mərkəzlərinə cəzb olunub təhsil alır. 

Dünyanın müxtəlif ölkələrindən yüzlərə sünni gənc həmin mərkəzə cəlb olunaraq onlara şiəlik təlimi keçirilir. Dövlət “Camiət Ül-Mustafa Əl-Aləmiyyə” mərkəzinə illik milyardlar tümən büdcə ayırır. 

Bir halda ki, bu mərkəzin funksiyası müsəlmanların sırasında birliyin yaradılmasının əksinədir. Necə olur ki, belə bir vəziyyətdə ancaq sünni mərkəzlərinə müraciət edənlərə qarşı hay-küy salır və cəncəl qaldırırsız”.

Qeyd edək ki, “Camiət Ül-Mustafa Əl-Aləmiyyə” qurumu dünya ölkələrindən, o cümlədən Azərbaycan Respublikasından dini tələbə qəbul edərək onlara şiəlik və islami təhsil keçirir.

Bu qurum İran dövlətinin rəsmi ideologiyasını aşılayır və məzun olanlar ölkələrinə “beşinci kolon” kimi öz ölkələrinə qayıdırlar.

Taymaz

Açar Sözlər :

SEÇİLMİŞ XƏBƏRLƏR

Çox oxunanlar