İraqın İsveçdəki müvəqqəti işlər vəkili XİN-ə çağırılacaq

SON XƏBƏRLƏR

İraqın İsveçdəki müvəqqəti işlər vəkili XİN-ə çağırılacaq

2023.07.20, 13:53

İsveç xarici işlər naziri Tobias Billström İraqda İsveç səfirliyinə hücumla bağlı bəyanat yayıb.

Gunaz.tv

Bu barədə İsveç XİN-in mətbuat xidməti bildirib.

"Ötən gecə yerli vaxtla saat 2-də nümayişçilər Bağdaddakı İsveç səfirliyinə basqın ediblər. Səfirliyin ofisi ələ keçirilib, dağıdılıb və yandırılıb.

Analoji hadisə bir ay əvvəl də baş vermişdi. Baş verənlər tamamilə qəbuledilməzdir və hökumət bu hücumları qətiyyətlə pisləyir", - XİN rəhbəri bildirib.

İraq hökumətinin Vyana Konvensiyasına əsasən diplomatik nümayəndəlikləri və diplomatik personalı qorumaq üçün birmənalı öhdəlik daşıdığını xatırladan İsveç xarici işlər naziri "İraq hakimiyyətinin bu məsuliyyəti ciddi şəkildə yerinə yetirə bilmədi"yini qeyd edib.

"Narahatlığımızı ifadə etmək üçün İraqın yüksək səviyyəli nümayəndələri ilə əlaqə saxlayır. İraqın Stokholmdakı müvəqqəti işlər vəkili də eyni məqsədlə Xarici İşlər Nazirliyinə çağırılacaq", - Billström bəyanatında bildirib.

Nazir qeyd edib ki, İsveç hökuməti baş verənlərlə bağlı əlavə hansı tədbirlərin görülməli olduğunu nəzərdən keçirir.

Xatırladaq ki, İsveç polisinin bu gün İraq səfirliyinin önündə baş tutacaq "Qurani-Kərim"in və İraq bayrağının yandırılması ilə müşayiət olunan mitinqə icazə verməsi qərarından sonra Bağdadda İsveç səfirliyinə hücum olub. (apa)

Ayxan

GUNAZ.TV

SON XƏBƏRLƏR