Contact Us

SON XƏBƏRLƏR

"Hər şey məhv olub və hamı etiraz edir"-Nüfuzlu din xadimi hökuməti sərt tənqid etdi

2023.07.29, 11:51
"Hər şey məhv olub və hamı etiraz edir"-Nüfuzlu din xadimi hökuməti sərt tənqid etdi

“Heç bir hakimiyyət, istər müsəlman istərsə də qeyri-müsəlman özünün qalması üçün insanlara basqı etməməli və öldürməməlidir”. Bunu Zahidan şəhəri cümə namazı imamı Moləvi Əbdül Həmid deyib.

Gunaz.tv

Moləvi Əbdül Həmid iyulun 28-də cümə namazı xütbəsində hökumətin siyasətini sərt tənqid edib: “Xalqın indiki şəraitdə iqtisadi durumu acınacaqlı olduğu bir halda hökumət rəsmiləri xalqa daha da təzyiq etməkdən çəkinməlidir.

Yaramazlıqlar və problemlərin səbəblərini düşmənin üzərinə yıxmaq düzgün deyil. Hakimiyyətin hər nəyi varsa hamısı xalqın hesabınadır.  Hökmdarlıq, dövlətin və rəsmilərin seçilməsi hüququ hamısı xalqa məxsusdur".  

İranın nüfuzlu sünni imamı deyib ki, hakimiyyət xalqın qarşısında hesabat verməli, onun istəklərini yerinə yetirməlidir:

"Rəsmiləri xalq təyin edir. Ona görə də onların sözlərinə qulaq asmalı və onların qarşısında baş əyməlisiniz. Hakimiyyət xalqa qarşı təkəbbür göstərməməli, ona qarşı çıxmamalıdır. 

Əksinə onlara diqqət ayırmalı, hörmət və ehtiramla yanaşmalıdır.

Xalq yaxşı bilir ki, qarşılaşdığı problemləri düşmən törətməyib. İqtisadiyyat "xəstədir", ona görə də hər şey məhv olub və hamı etiraz edir".

Moləvi Əbdül Həmid bəyan edib ki, problemlərin həlli yolu görünmür.

"Bunlara rəğmən problemlərin həlli istiqamətində hələ də heç bir çıxış yolu və perspektiv müşahidə olunmur.

Xalq hansısa bir rəsminin getməsini istəyirsə, elə də olmalıdır. Necə ki, başqa ölkələrdə xalq hətta prezidentin getməsini tələb edirsə, o, istefa verib gedir.

Xalq sizi özbaşına buraxsa hər şey problemə tuş gələr”-sünni lider əlavə edib.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar