Rusiya XİN sülh müqaviləsinin imzalanması ilə bağlı açıqlama verdi

SON XƏBƏRLƏR

Rusiya XİN sülh müqaviləsinin imzalanması ilə bağlı açıqlama verdi

2023.08.04, 10:54

"Bakı və İrəvan sülh müqaviləsinin istənilən şərtlər daxilində imzalanmasına hələ hazır deyil, çünki hələ də həllini gözləyən mürəkkəb məsələlər var".

Gunaz.tv

Bunu Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar TASSA-a müsahibəsində deyib. O, bildirib ki, tez bir zamanda sülhə nail olmaq barədə Bakı və İrəvandan daxil olan siqnallar hələ tərəflərin istənilən şərtlərlə razılaşmağa hazır olduqlarını göstərmir. Öncə bir sıra mürəkkəb mövzuların həlli yolları tapılmalıdır.

Diplomatın fikrincə, bunlardan ən mühümü Qarabağın erməni əhalisinin təhlükəsizliyinin və hüquqlarının Azərbaycan qanunvericiliyi çərçivəsində təmin edilməsidir.

“Tərəflər qarşılıqlı olaraq 1991-ci il Alma-Ata Bəyannaməsinin effektivliyini təsdiq edib. Sülh sazişinin həyata keçirilməsi üçün elə bir beynəlxalq dəstək mexanizmi tələb olunur ki, Ermənistanla Azərbaycanın suverenliyini və siyasi müstəqilliyini şübhə altına almasın” - deyə, Qonçar əlavə edib.

Rusiyalı diplomat onu da vurğulayıb ki, sülh müqaviləsinin hazırlanması üçün Rusiya aktiv şəkildə tərəflərə kömək edir:

“Ermənistan-Azərbaycan sülh müqaviləsinin hazırlanması Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan arasında üçtərəfli razılaşmanın elementlərindən biridir.

Rusiya tərəfi bütün səviyyələrdə siyasi və diplomatik kanallardan istifadə edərək, bu sənədin hazırlanmasında Bakı və İrəvana fəal şəkildə yardım göstərir. Belə ki, hər il üçtərəfli sammitlər keçirilir, xarici işlər nazirləri mütəmadi olaraq görüşür”.

GUNAZ.TV

SON XƏBƏRLƏR