Güney Azərbaycan Milli Dövlətçilik Şurası Urmu gölü ilə bağlı bəyanat yaydı

SON XƏBƏRLƏR

Güney Azərbaycan Milli Dövlətçilik Şurası Urmu gölü ilə bağlı bəyanat yaydı

2023.08.10, 09:46

Güney Azərbaycan Milli Dövlətçilik Şurası Urmu gölünün qurudulması və güney Azərbaycanda baş verən ekoloji fəlakətlə bağlı bəyanat yayıb.

Gunaz.tv

Bəyanatda bildirilir:

Qəhrəman Azərbaycan Türk Milləti!

İran Fars rejimi Urmu gölünü qəsdən qurudaraq milyonlarla Azərbaycan Türkünün həyatını təhlükəyə salıb, onları ana topraqlarından köçurmək niyyətindədir.

Ekspertlərin f görə, Urmu gölünün gurudulması planı son zamanlar başlanmış olsa da, əslində, Pehlevi dönəmindən bəri başlanmış olan Azərbaycan Türklərinə qarşı siyasətlərin təmamlayıcı mərhələsidir. Təsadüfi deyil ki, azərbaycanlıların öz tarixi torpaqlarından köçürülməsi rejimin “İslami Şura Məclisi” vəkillərinin dili ilə belə gündəmə gətirilir.

Hazırda Urmu gölünün təxminən 95% -i quruyub ve sürətlə tam quruma aşamasına keçmişdir. İran rejimi Urmu gölünün qurumasını təbii və iqlim faktorları ilə əlaqələndirməyə çalışsa da, mütəxəssislərin bildirdikləri kimi Urmu gölünün sürətlə qurumasının əsas nədəni gölə axan çayların üzərində çoxsayılı su bəndlərinin tikilməsi və suyun gölə axışının əngəllənməsidir.

Güney Azərbaycan Milli Dövlətçilik Şurası, Urmu gölünün yenidən canlanması və Araz çayının zəhərlənməsini durdurmaq uğrunda bütün etiraz təşəbbüsləri və çağırışları dəstəkləyir və bütün milli-siyasi qüvvələri birgə fəaliyyətə dəvət edir.

MDŞ hesab edir ki, bugünkü şəraitdə rejimin millətimizə qarşı davam etdirdiyi soyqırım siyasətinə qarşı ciddi və mütəşəkkil mübarizə aparılmalıdır. Millətimizi və Vətənimiz Azərbaycanı bu faciədən qurtarmaq hər bir Azərbaycan türkünün milli borcdur.

Güney Azərbaycan Milli Dövlətçilik Şurası
2023-08-09

Timur

GUNAZ.TV

SON XƏBƏRLƏR