Contact Us

SON XƏBƏRLƏR

SEPAH komandiri Urmu gölünə görə Türkiyəni ittiham etdi

2023.08.15, 15:00
SEPAH komandiri Urmu gölünə görə Türkiyəni ittiham etdi

SEPAH-ın "Aşura" korpusunun komandiri Əsgər Abbasquluzadə Urmiya gölünün qurumasında Türkiyəni və Rza xanı günahlandırıb.

Gunaz.tv

SEPAH komandiri Rza xanın Ağrı yüksəkliklərini Türkiyəyə verdiyini, Türkiyənin isə oradan axan suların qarşısında çox sayda bəndlər tikərək Urmu gölünə su axınının qarşısını aldığını deyib.

Qeyd edək ki, Urmu gölünə axan çayların qarşısında inşa edilən 100 bəndin hamısı İran daxilindədir və SEPAH tərəfindən inşa edilib. 

Son vaxtlar SEPAH komandirləri və Uran rəsmilərinin Urmu gölü ilə bağlı çıxışları artıb.

Bir neçə gün əvvəl SEPAH-ın sözçüsü Ramazan Şərif Urmu gölünün qurumasından hökumətə qarşı çıxmaq vasitəsi və bəhanəsi kimi istifadə edildiyini iddia edib. 

Bununla yanaşı Əli Xaməneinin Qərbi Azərbaycan əyalətindəki nümayəndəsi və Urmu şəhərinin cümə imamı Seyyid Mehdi Qureyşi Urmu gölünün qurumasını sadə ekoloji dəyişiklik hesab edib.

Qureyşi belə ekoloji halların yalnız İrana xas olmadığını və başqa ölkələrdə də baş verdiyini deyib.

"Düşmənlər Urmiya gölünün quruması problemindən siyasi və etnik məqsədlər çün istifadə etmək istəyirlər",- Xaməneinin nümayəndəsi iddia edib.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar