MN: Azərbaycan Ordusunun Aİ müşahidəçilərini atəşə tutması doğru deyil

SON XƏBƏRLƏR

MN: Azərbaycan Ordusunun Aİ müşahidəçilərini atəşə tutması doğru deyil

2023.08.15, 15:51

Avqustun 15-də saat 12:20 radələrində Basarkeçər rayonunun Yuxarı Şorca yaşayış məntəqəsi ərazisində Azərbaycan Ordusunun bölmələrinin guya Avropa İttifaqının müşahidəçiləri və onların avtomobili istiqamətinə atəş açılması barədə erməni informasiya resurslarında yayılan məlumat həqiqətə uyğun deyil, qarşı tərəfin növbəti dezinformasiyasıdır. Bu barədə Müdafiə Nazirliyi məlumat yayıb.

Gunaz.tv

"Bildiririk ki, Avropa İttifaqının müşahidəçilərinin Ermənistanda şərti sərhəd istiqamətində səfərlərinin vaxtı, onların hərəkət marşrutu, ərazidəki koordinatları, eləcə də avtomobillərin markası və nömrə nişanları Azərbaycan tərəfinə əvvəlcədən təqdim edilir. Azərbaycan Ordusunun bölmələri missiyanın səfərləri barədə məlumatlıdır.

Bu səbəbdən də Ermənistan müdafiə nazirliyinin iddia etdiyi belə bir halın baş verməsi nəzəri və praktiki baxımdan qeyri-mümkündür", - deyə, Müdafiə Nazirliyinin məlumatında vurğulanıb.

GUNAZ.TV

SON XƏBƏRLƏR