Təbrizin “Maşınsazi” Futbol Komandası bərpa olunur

SON XƏBƏRLƏR

Təbrizin “Maşınsazi” Futbol Komandası bərpa olunur

2023.08.29, 14:50

Güney Azərbaycanın ilk təsis edilmiş futbol komandası “Maşinsazi” Klubunun mülkiyyətçisi Yunis Qurbani komandanın yenidən fəaliyyət göstərəcəyini bildirib.

Gunaz.tv

“Çoxlu cəhdlərdən, (ölkə rəsmiləri ilə) məktublaşmalar və gəlişmələrdən sonra klubun yeni fəaliyyəti barədə bir sıra (futbol üzrə) marağı olan və imkanlı dostlarla razılığa gəldik.

“Maşınsazi” Komandasının düşüncəli və mədəniyyətli azarkeşlərinin himayələri, həmçinin əyalətin (Şərqi Azərbaycan) idman rəsmilərinin köməyi və əməkdaşlıqları ilə qarşıdakı günlərdə klubun məşqlərə başlayacağını görəcəyik. Bu barədə bilgilər dəyərli azarkeşlərə bildiriləcək.”-deyə Qurbanı açıqlayıb.

Klubun mülkiyyətçisi bu açıqlamanın davamında həmçinin bildirib: “Təbriz futbolunun və Azərbaycanın idman tarixçəsinin, habelə respublikanın şimal-qərb bölgəsinin ilk idman klubunun bərpası yönündə cəhdlərimizi əsrigəməyəcəyik.”.

Qeyd edək ki, “Maşinsazi” Futbol Komandası Klubu Təbrizdə yerləşməklə, 1969-cu ildə yaradılıb. Klubun tarixçəsi Təbrizin Maşınqayırma (Maşınsazi) Zavodunun təsisindən öncəyə dayanır.

Belə ki, 1969-cu ilin ilk aylarında Təbriz şəhərinin bir sıra futbolçuları öz şəhərləri Təbrizdə zavodun təsisindən öncə bir futbol komandası yaradır. Sonra bu komandanın futbolçularının çoxu Təbrizin Maşınqayırma Zavodunun işçiləri olduqlarına görə komandanın adı “Maşınsazi” seçilir.

Taymaz

GUNAZ.TV

SON XƏBƏRLƏR