Contact Us

SON XƏBƏRLƏR

Oman dənizindən İsfahana su çəkilməsi narazılıq yaratdı

2023.08.31, 12:12
Oman dənizindən İsfahana su çəkilməsi narazılıq yaratdı

Sənayelərin ehtiyaclarını ödəmək üçün Oman dənizindən İsfahana su nəqli layihəsi barədə açıqlamalar güneyli sosial media istifadəçilərinin etirazlarına səbəb olub.

Gunaz.tv

Onlar Urmu gölünün bərpa layihələrinin həyata keçirilməməsi, ekoloji fəlakətin qarşısının alınması üçün vəsait ayrılmadığı halda dənzidən İsfahana su çəkilişini ayrı-seçkilik nümunəsi kimi dəyərləndiriblər.

Güneyli sosial media istifadəçilərin fikrincə, hakimiyyətin bu ikili yanaşması Urmu gölünün qəsdən qurudulması barədə deyilən fikirləri təsdiqləyir. 

 Qeyd edək ki, İranın sənaye, mədən və ticarət naziri Abbas Əliabadi bildirib ki, Oman dənizindən İsfahana çəkilən 500 km-lik su kəmərinin 200 km-i başa çatıb.

Mənşə və təyinat məntəqələrində iri su anbarları tikilib.

O, layihənin qalan hissəsinin bir il ərzində tamamlanacağını söyləyib.

Xatırladaq ki, Urmiya gölünün bərpası layihəsi çərçivəsində neçə illər öncə çəkilməsinə başlanılan Kanisib su kanalının ümumi uzunluğu 46 kilometrdir.

Bu, Oman dənizindən İsfahana çəkilməkdə olan 500 kilometrlik su kanalı ilə müqayisədə cüzi olsa da, bu günə kimi onun tam istifadəyə verilməsi mümkün olmayıb.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar