GünAzTv:19-cu əsrin ilk illərində rus-osmanlı və rus-qacar savaşlarının nəticəsi olaraq  Anadolunun bir hissəsi, Azərbaycanın isə şimal hissəsi bütövlükdə Rus dövlətinin əsarəti altına düşdü. Rus iqtidarının apardığı siyasət nəticəsində  ermənilərin İrəvan, Naxcıvan, Ön və Yuxarı Qarabağa yerləşmələrinə şərait yaradıldı. Belə ki, həmin vaxtdan etibarən  Azərbaycan türklərinin çeşidli yollarla Qarabağ və digər bölgələrdən köçürülməsi və  erməni silahlı dəstələrinin nəzarətinə verilən Azərbaycan torpaqlarına ermənilərin yerləşdirilməsi həyata keçirilməyə başladı. 1918-ci ildə İrəvan şəhəri türklərdən boşaldılaraq yeni yaradılmış Ermənistanın mərkəzi təyin edildi.  1923-ci ildə isə  ruslar tərəfindən Azərbaycanın ərazi bütövlüyünü parçalamaq məqsədilə Qarabaga “Dağlıq Qarabağ Muxtar Vilayəti” statusu verildi. Lakin, bu siyasət müxtəlif tarixi dönəmlərdə də davam etdirildi və rusların  ermənipərəst siyasətini həyata keçirən Qorbaçov da  Qarabağa göz tikən ermənilərin  terrorçu dəstələrinə dəstək verərək, Azərbaycana qarşı silahlı hücüm təşkil etdi. Rus və fars rejimlərinin birbaşa yardımı ilə erməni silahlı quvvələri Azərbaycanın ərazi bütövlüyünə qarşı hərtərəfli hücumlara başladılar. Bu təcavüz nəticəsində Azərbaycan  torpaqlarının 20 faizi işğal edildi, bir milyondan çox insan yaşadıqları əraziləri tərk etmək məcburiyyətində qalaraq  köçkün düşdü, minlərlə sivil azərbaycan türkü soyqırıma uğradı, azərbaycan türkünə məxsus milli- mədəni miras  vəhşicəsinə dağıdıldı.

18 ildir ki, erməni işğalı altında qalan torpaqlarımızın Azərbaycana qaytarılması diplomatik görüşlərin sübyekti olmaqdadır. Bu günə kimi aparılan rəsmi və qeyri-rəsmi görüşlər, ATƏT-in Minsk qrupu və digər beynəlxaq təşkilalartın, o cümlədən BMT-nin Təhlükəsizlik Şurasının çıxardığı qərarlar və irəli sürülən təkliflər Azərbaycanın işğal olunmuş bölgələrinin azad edilməsinə heç bir müsbət təsir döstərməyib. Azərbaycan torpaqlarının işğaldan azad edilməsi və erməni işğalçılarının bu ərazilərdən qeyri-şərtsiz geri çəkilmələri barədə çıxarılan qərarlar işğalçı Ermənistan tərəfindən yerinə yetirilmir. 

Ancaq, bütün bunlara baxmayaraq Qarabağ və işğal altında olan digər Azərbaycan torpaqlarının geri alınması uğrunda mübarizə heç şübhəsiz ki, dünyada yaşayan hər bir Azərbaycan türkünün şərəf borcudur.

Biz, Amsterdam dialoq toplantısının iştirakçıları Azərbaycanın işğal olunmuş ərazilərindən işğalçı erməni silahlı qüvvələrinin qeyri-şərtsiz çıxmaları barədə beynəlxalq qurum və təşkilatların göstərdikləri çabaları, o cümlədən BMT-nin Təhlükəsizlik Şurasının 4 qətnaməsini   dəstəkləməklə yanaşı, Azərbaycanın ayrılmaz hissəsi olan Qarabağ və ətraf rayonların azad olunması uğrunda bütün gücümüzlə millətimiz və dövlətimizin yanında olduğumuzu bəyan edirik. İnanırıq ki, Azərbaycan dövlətinin işğal olunmuş ərazilərin  azad edilməsi istiqamətində atdığı ciddi addımlar bütün Türk dünyasının dəstəyini qazanacaq və 50 milyonluq Azərbaycan türkünün Vətəni olan Azərbaycanın ayrılmaz hissəsi Qarabağ  hər hansı yolla olursa olsun,  işğaldan azad ediləcək.

Güney Azərbaycan Dialoq Toplantısı

Amsterdam                                                                                          (21 azer)  12.12.2009