İranda kölgə təhlükəsizlik nazirliyi yaranır

SON XƏBƏRLƏR

İranda kölgə təhlükəsizlik nazirliyi yaranır

2021.10.20, 07:36

Gunaz.tv

GünAzTv:

İran rejiminə ən böyük silahlı müxalifət olan Xalqın Mücahidləri təşkilatının İran Milli Müqavimət Şurasının başçısı Məryəm Recevi, Brüsseldə təşkil etdiyi mətbuat konfransında bildirib ki, son prezident seçkisindən sonra çıxan kütləvi etiraz aksiyalarının davamını və oxşar hadisələri əngəlləmək məqsədi ilə Ali Dini Rəhbərin nəzarəti altında yeni təhlükəsizlik qurumu yaradılıb. Məryəm Recevi onu da bildirib ki, bu qurum İnqilab Keşikçiləri qvardiyasından ayrılaraq qurulub və Xamaneyinin bir başa nəzarəti altında fəaliyyət göstərir.

İranda son prezident seçkiləri qalmaqallı olduğundan milyonlarla əhali bu seçkilərin nəticələrinə etraz və yeni seçkilərin keçirilməsini tələb edirdi. Etiraz aksiyalarında qeyri-rəsmi məlumatlara əsasən 72 nəfər həlak olmuş və 100-lərlə insan yaralanmışdı. Həmin aksiyalar zamanı hüquq mühafizə orqanları tərəfindən 4 min nəfər həbs olunmuşdu. İndi onlardan 300 nəfəri həbsdə saxlanır. 5 nəfərə edam cəzası və onlarla aksiya iştirakçısına müxtəlif dərəcəli zindan cəzası verilib.

Recevi, İnqilab Keşikçiləri Qvardiyası Kəşfiyyat Təşkilatının İran rejiminin qurucusu Ayətullah Xumeyninin 1989-cu ildəki ölümündən sonra dövlətin kəşfiyyat quruluşundakı ən böyük tənzimləmə olduğunu ifadə etdi.

Məryəm Recevi bu mətbuat konfransında bildirib ki, İran rəsmiləri bu yeni təşkilatın quruluşunu elan etsələr də yeni qurumla bağlı bir çox gerçəkləri gizlədirlər. Bu təşkilat əslində Ali Dini Rəhbər Ayətullah Əli Xamaneiyə bağlıdır. Bu təşkilat həm də internet sahəsinə və mediaya da nəzarət edəcək. Kütləvi nümayişlərin baş tutmasını önləyəcək. Onların təşkilatçılarını əvvəlcədən müəyyənləşdirib cəzalandıracaq.

Xalqın Mücahidləri Təşkilatı indiyə qədər İran rejimi haqda bir çox məlumatlar ifşa edib. Təşkilat yetkililəri bu məlumatları daxildəki üzvləri vasitəsi ilə əldə etdiklərini iddia etsələr də, digər dövlətlərin kəşfiyat orqanların belə məlumatları onlara otürməsi ehtimalı da mümkindür. İndiyə qədər İranın nüvə proqramı ilə bağlı bir çox mövzular bu təşkilat vasitəsi ilə ifşa olunub. Xatırladaq ki, İranda yeni bir kəşfiyyat qurumunun varlığı qeyri-rəsmi şəkildə mövcud idi. Sipahın kəşfiyyat orqanı bütün sahələrə daxil ola bilir və bütün vətəndaşları istədiyi yerdə istədiyi kimi sorğulayırdı. Buna mane olan və ya qanunsuz olduğunu ortaya qoyan da demək lar ki, yox idi. İndi yalnız bu cür işlər “qanuni çərçivəyə” salınır. Əsas səbəb isə Xamaneinin öz nəzarətini qanuni olaraq genişləndirmək və “Ettelaat və Təhlükəsizlik Nazirliyinin” fəaliyyətini məhdudlaşdırmaqdır.

GUNAZ.TV

SON XƏBƏRLƏR